Iizemo yomumvo gwa zi ko oyi li hwepo: Ithete ta ti

IIZEMO yOmakonaakono yomumvo gwa ziko yondondo 10 oyi li hwepo yi vulithe pomimvo dha piti.
Shika osha popiwa ku Amushanga gwElongo, Omithigululwakalo mOshikondo mEwawa lyUunona mEwawa lyAanyasha moSwapo, Natangee Ithete,ta yamukula koolopota dhi piti miikundaneki yimwe moshilongo mbyoka ya li ya lipota kutya iizemo yomumvo gwa zi ko yondondo 10 oya li ya nkundipala.

Sho a li a talelepo oombelewa yOshifo shika mOshakati pehulilo lyomvula ya zi ko, Ithete okwa holola okuuvilanayi oolopota dhoka. Okwa yelitha kutya iinima oya uka komeho melongo shampa owala aanasikola naalongi taya longo iilongo yawo nuudhiginini noku kutha ko oongaku nokulonga noonmondo.
‘Iizemo otayi vulu oku hwepopala noku nawapala. Iizemo yonuumvo otayi ulike kutya ngele oya longo nuudhiginini aalongwa otaa piti nawa,’ osho ati. Ithete ina lila okathima koluko omapopyo ngoka taga ti kutya omolwa onkalo yopapolitika ya naipala moshitopolwa shokOnooli, aalongwa yamwe okuza miitopolwa yilwe otashi vulika yaa katambwe miitopolwa yilwe.
Shika okwa ti omitoto dhowala nando ina tumbula iitopolwa mbyoka ya dhilaadhilwa. Okwa tsu omukumo aailongi ya ka tsikile neilongo lyawo kOshitopolwa kehe taya ka taambwa ko.
‘Otandi kunkilile aalongwa yaa itaale mboka taya ti kutya Swapo ota kelele aantu yontumba yaa talele po nenge ya kale miitopolwa yontumba moshilongo omolwa opolitika. SWAPO ine shi ninga na ke na siku ne keshi ninge,’ Iithete ta ti ngawo nokutinda omapopyo ngoka.
Ta kunkilile aanasikola ya ye yekiilonge kehe mpoka ya halanenge taya taambiwa meni lyaNamibia.
Okwa tumbula kutya omapopyo ngaka oga nwethwamo kOpolitika noge na okweekelwahi thiluthilu.Ithete okwa indila aailongi ya dhiginine omithiigululwakalo dhawo, ya
yande elongitho lyiikolitha, iingangamithi noshowo omilalo inadhi gamenwa.
‘Aalumentu aakwetu tu hulitheni po omadhipago gaakiintu ga keena henda,’ Iithete ta kunkilile oshigwana shaalumentu ngawo.