Iipotha ya zuma ya ekelwahi

AATAMANEKI mu South Afrika oya ekelehi iipotha yiilonga mbyoka ya li ya ningilwa Omupresidende gwongudu tayi pangele mu South africa, Jacob Zuma, mbyoka y li ya etele aantu omaipulo ngele ngele oku li tuu omuntu ta vulu okulela oshilongo shika.

Omutamaneki gopakathimbo Mokotedi Mpshe okwa li a popi kutya ngoka a li nale omutse gwOshikondo shokukondjitha iimbuluma, okwa li a ende pevi oshikondo oshipanguli, sho Oshikondo shia sha ningile Zuma oshipotha shika.
Oshikondo Oshitamaneki sha South Afrika/Nationa Prosecuting Authority (NPA)osha ti kutya oshipotha shika osha patwa na Zuma ita ka ningilwa we oshipotha sha sha.
Zuma, ngoka e li okandadate yongundu yo African National Congress (ANC) okwa tegelelwa a ka sindane nomawi ogendji momahogololo gOpaupresidende, ngoka taga ka kala ko momasiku 22 gomwedhi nguka.
Nande ongaaka, aatseyinawa miikwapolitika okweekelehi oshipotha sha Zuma pautekinika – ina ku monika shili kutya ke na ondjo, otashi ti kutya iipotha ihatatu yiilonga yokoraputo mbyoka a li a lopotelwa, otayi ka tsikile nokumu halutha.’Ohoni noshipotha shika shiilonga yokoraputo otayi kala nokugandja ethano ewinayi kEpangelo sigo aluhe,’ Omutseyinawa miikwapolitika mOunivesiti ya Johannesburg, Adam Habib, osho a popi ngaaka. Oshinima shika osha etele wo aantu omaipilo ngele Oshikondo oshipanguli sha South Afrika otashi longo tuu pauyuuki.
Ongundu yo ANC oya nyanyukilwa oshinima shika, tayi ti kutya oshi li esindano lyoveta. Zuma, ngoka a li a ekelehi kokule iipotha ayihe mbyoka a li a ningilwa, okwa li a popi kutya oku li ta lundulwa opo ka mone ompito yokulela South Afrika.
Momahogololo ngaka, ANC okwa taalela eshongo enene kopaati ndjoka opo ya totwa po yo Congress for the People (COPE),ndjoka ya li ya totwa po kaantu ya li ye na iipundi mEpangelo lya South Afrika – pethimbo Thabo Mbeki a li koshipundi.