Iinkundi pamahupilo yi na uuwanawa

IILONGO iinkundi pamahupilo mbyoka ya tila oku gwililwapo kedhikopo lyomalanditho gamanguluka menenevi lyAfrica,oya kumikwa kutya monakuyiwa ota yi ka mona omauwanaw ogendji.Omunawino mehumokomeho okwa popi einekelo ndika, Osoondaha konima yoshigongi shaawiliki 26 mboka ya gongalele moSouth Africa nelalakano okweendeleleka edhikopo lyoshitopolwa shomalanditho ga manguluka.

Kennedy Mbekeani omunambelewa gwoMbaanga yomapendulepo yAfrica okwa ti muule wethimbo ehupi yamwe ota ya ka likola, omanga yamwe ta ya ka kanitha.Ndele uuna oshitopolwa tashi humu komeho pamahupilo iilongo iishona mbyoka ya nika uunkundi momahupilo ota yi mona uuwanawa noshowo okuhumakomeho miimpungu moka yo yi na ompito yoku ya komeho. Mbekeani okwa ti iilongo mbika ina yi kambadhala okwiigamena ndele na yi ninge oshitopolwa shomalanditho ga manguluka yi na euveko lyambwalangandja.Mbekeani okwa ulikwa kOmbaanga ye opo a kwathele oshitopolwa shika shomahupilo ga manguluka shoka sha kwata iilongo okuza ku Egitpiti muumbangalantu sigo oSouth Africa muumbugantu, no kuzaAngola okuya ko Madgascar kuuzilo.