Iingambeki yopoongamba nayi kuthwepo Pohamba a indile

ETULO miilonga lyomauvathano gamwe pokati kaNamibia na South Africa ota li ende kashona.Omuperesidende Hifikepunje Pohamba okwa ti euvathano lyiikwankondo naandyoka lyeinyengo pokati kiilongo mbika iyali oli li natango ta li eta omaipulo.

Pohamba okwa ti nonando okwa yiwa komeho, neyokomeho ndika ota li pandulwa okwa tsikileko ta ti opwa pumbiwa okweendeleleka omauvathano gamwe ngele ta shi ya okuga tula miilonga.Ndhika omusamane Pohamba okwe dhi popi pethimbo lye egululo lyoonkundathana moPretoria.Oku shi talela muudhano wekopi lyuuyuni omumvo tagu ya, uuwanawa mboka iishiinda longo ta yi mono otau piyaganekwa komangambeko gokwiinyenga okuya kombanda yoongamba pokati kiilongo na South Africa.Ompito yoku mona uuwanawa mbuka ita yi ka ninga yoshili ngele okwiinyenga kwaa yakuli yaa talelipo inaku opalekwa.Pohamba okwa indile woo epangelo lya South Africa pamwe nehangano lyokugandja olusheno Eskom ya tsikile neshilipaleko kutya otaya longele kumwe miikwankondo, unene tuu sho ngashingeyi pu na ompumbwe yolusheno ndjoka ta yi piyaganek iilongo muumbugantu wAfrica.Mokuyamukula Pohamba omuperesidende Jacob Zuma gwa South Africa okwa uvaneke kutya oshilongo she oshi itulamo mokuhumitha komeho uumbugantu wAfrika.Ta ti okuhwepopeka onkalamwenyo yaantu yiilongo yoSadc osho oshinakugwanithwa oshinene shoka ta shi tsikile.’Otu shishi kutya ongo oshilongo shina omahupilo ga kola otuna oshinakugwanithwa oshinene oku tidha po oluhepo noku hwepopeka oonkalamwenyo yaantu yetu.