Iinamwenyo ya eta omaso ga yatatu

OPOLISI oya lopota iiponga yomaso ya etwa kiinamwenyo yomokuti pokati kEtine nEtitano lya zi ko.Omunamimvo 31 okwa dhengwa okusa kondjamba po Palmfontein popepi na Kamanjab mEtine lya zi ko.

Nguka okwa tumbulwa kedhina kutya oye Vaepisa Musutua. Omulumentu gumwe okwa hupu moshiponga shoka sha ningwa lwopotundi onti 23h00 uusiku wesiku ndyoka.*Okanona komimvo 12, Maawi Dorina oka si omanga ka li ta ka falwa koshipangelo konima sho ka lika keyoka pomukunda gumwe popepi nOpuwo.Oshiningwanima shika osha li sha ningwa mEtine lya zi ko lwopotundi onti 05h00 koongula sha.*Aantu yatano oya li moshiponga shohauto konima sho ohaumo moka ya li yi idhenga moholongo nokugalangata.Oshiningwanima shika osha ningwa metitano pokati kotundi onti 00h000 nonti 01h00 omanga ya li konyala ookilometa 65 okuza pOtjiwarongo.Omufaalelwa gumwe opo owala a sila poshiponga mpoka omanga mbeyaka yane ya ehamekwa noonkondo.Opolisi oyi na eitaalo ndika kutya aantu mboka oya zi ko Angola.Edhina lyomuntu ngoka a sila moshiponga shika inali tumbulwa molwashoka aakwanezimo lye inaya tseyithilwa natango manga kwali.*Moshiningwanima shilwe Opolisi oya lopota omaso gaashi gopauntshitwe pomukunda Okatope.Ashike iiyetithi yomaso ngoka inayi tseyika.Omunamimvo 15 Thomas Nakale, okwa adhika a sila mombete ye lwopotundi onti 02h30 mOsoondaha.Shika osha ningilwa pomukunda Ondjokwe.Lwopotundi onti 08h00 yongula Panduleni Matheus gwoomwedhi ndatu okwa adhika wo a sila mondunda yokulala.*Opolisi oya lopota wo kutya omunamimvo 25 Junias Jetushila Tumbula ngoka a si omeya mondama yedhina Von Bach Dam popepi nOkahandja.Tumbula okwa si mEtitano lya zi ko.*Lwopotundi onti 09h00 yongula mEtine lya zi ko, Marius Tulimekuma gwomOmbalantu okwa ulikwa nombistoli komufekelwa ina tseyika.Oshipotha shuukiliminola osha patululwa nomakonakono gOpolisi otaga tsikile.Omulumentu gumwe okwa hupu moshiponga shoka sha ningwa lwopotundi onti 23h00 uusiku wesiku ndyoka.*Okanona komimvo 12, Maawi Dorina oka si omanga ka li ta ka falwa koshipangelo konima sho ka lika keyoka pomukunda gumwe popepi nOpuwo.Oshiningwanima shika osha li sha ningwa mEtine lya zi ko lwopotundi onti 05h00 koongula sha.*Aantu yatano oya li moshiponga shohauto konima sho ohaumo moka ya li yi idhenga moholongo nokugalangata.Oshiningwanima shika osha ningwa metitano pokati kotundi onti 00h000 nonti 01h00 omanga ya li konyala ookilometa 65 okuza pOtjiwarongo.Omufaalelwa gumwe opo owala a sila poshiponga mpoka omanga mbeyaka yane ya ehamekwa noonkondo.Opolisi oyi na eitaalo ndika kutya aantu mboka oya zi ko Angola.Edhina lyomuntu ngoka a sila moshiponga shika inali tumbulwa molwashoka aakwanezimo lye inaya tseyithilwa natango manga kwali.*Moshiningwanima shilwe Opolisi oya lopota omaso gaashi gopauntshitwe pomukunda Okatope.Ashike iiyetithi yomaso ngoka inayi tseyika.Omunamimvo 15 Thomas Nakale, okwa adhika a sila mombete ye lwopotundi onti 02h30 mOsoondaha.Shika osha ningilwa pomukunda Ondjokwe.Lwopotundi onti 08h00 yongula Panduleni Matheus gwoomwedhi ndatu okwa adhika wo a sila mondunda yokulala.*Opolisi oya lopota wo kutya omunamimvo 25 Junias Jetushila Tumbula ngoka a si omeya mondama yedhina Von Bach Dam popepi nOkahandja.Tumbula okwa si mEtitano lya zi ko.*Lwopotundi onti 09h00 yongula mEtine lya zi ko, Marius Tulimekuma gwomOmbalantu okwa ulikwa nombistoli komufekelwa ina tseyika.Oshipotha shuukiliminola osha patululwa nomakonakono gOpolisi otaga tsikile.