Iilyo yOparliamende ya umbathana noondamba mOmutumba

O OMPATA kombinga yosheetwapo kutya epangelo nali kale hali gandja oshimaliwa shokuninga iikongo ethimbo kehe taku ningwa omahogololo gopaikandjo, odha eta piyepiye mOparliamende mEtine lya zi ko nando nee Omunashipundi gwOparliamende a li a londodha iilyo mbika omwedhi gwa zi ko kutya inayi itula miinima tayi popi kombinga yaantu oohandimwe ashike nayi kundathane iinima tayi tungu.

Omupeviminista mUuministeli wOmapangelo goPaitopolwa nOmagumbo Kazenambo Kazenambo okwa tamaneke iilyo ongundu yoCongress of Democrats (CoD) kutya oya yaka otyeke yongundu ndjoka ya pewa kEpangelo, omanga Ominista yIimaliwa Saara Kuugengelwa-Amadhila a tamaneke kutya ongundu yoDTA oya yaka oyi na mo olunyala moshimaliwa shoomiliyuna odhindji ndhoka dha yakwa mEpangelo lyokatongotongo lya South Afrika pethimbo lyomahogololo gomumvo 1989. Omupresidende gwOpevi gwoDTA, Philemon Moongo okwa popi kutya oongundu dhompilameno ihadhi pewa oshimaliwa sha gwana nolwindji ihadhi vulu nokuli okukutha ombinga momahogololo goPaitopolwa nenge goPaendoolopa.Ta ti nolwindji ngele tashi ya pomahogololo gookansela dhoondoolopa unene tuu ngele pwa totwa ondoolopa ompe, oongundu dhompilameno ihadhi vulu okukutha ombinga nuupu.”Okuza kemanguluko lyoshilongo, okwa li kwa ningwa omahogololo gopaikandjo ge li 20.Oshinima shika osha pumbwa okutalwa nomadhiladhilo gowina ngele nani oshimaliwa shEpangelo osha nuninwa okunkondopeka uundemokoli nosho wo okupitika uungundu uushona wopapolitika wu kuthe ombinga momahogololo gopaikandjo.Ina shi pitika oongundu ndhoka oonene nooyamba dhi tulwe ketanga, ano odho adhike dhi kale tadhi dhana onkandangala,”Moongo ta popi ngaaka.Swapo oku na iipundi yi li 53 mOmutumba gwOparliamende kwa gwedhwa iilyo ihetatu mbyoka hayi ulikwa kOmupresidende gwOshilongo, omanga oongundu dhompilameno dhi na mo owala iilyo yi li 19.Okwa tumbula kondandalunde omahogololo gondoolopa ompe ya Omuthiya ngoka ga undulilwa komeho nosho wo omahogololo gopashikandjohogololo shEenhana ngoka ga tegelelwa taga ka ningwa momasiku 29 Maalitsa.Ominista yElongo Nangolo Mbumba okwa popi kutya Moongo ota dhana nOmulekeneno, ashike MchHenry Venaani gwoDTA okwa yi mo kutya Oominista dhEpangelo naapeha yadho otaya vulu okulongitha iihauto yawo yopambelewa moku ka ninga iigongi nenge tutye iikonga yomahogololo.Ominista yOmapangelo gOpaitopolwa nOmatumbo John Pandeni okwa yi mo kutya osheetwapo sho DTA, “oshi na kohi”.Kazenambo okwa tamaneke nokunyana oongumbali dhoCoD ndhoka tadhi itamaneke dhodhene kutya yamwe oya yaka po otyeke ndjoka ya pewa ongundu yawo kEpangelo.”Oshinima oshi li ngashiingeyi kutya ongundu yimwe yoCoD otayi tamaneke onkwawo kutya oya yaka ootyeke,” ta popi ngaaka.Nora Schiming-Chase okwa thikama e ta popi nokutamaneka kutya Kazenambo okwi igilila okuponokela iilyo yOparliamende paumwene pethimbo.”Ngele tashi ya pokuyaka kwootyeke moSwapo, otashi ka hulile moondola dhoomiliyuna odhindji,” ta popi ngaaka.”Ino tameka okwiiyaga naampoka itapu nyu, otashi vulika shi ke ku ehameke,” ta popi ngaaka mOshimbulu.Pethimbo ndika iilyo okuza koombinga adhihe oya tameke okwiidhopa mo, oshinima shoka sha etitha Omunashipundi gwOparliamende a longithe oonkondo dhe okugundjilika iilyo yomutumba.”Onde mu lombwela nale pethimbo lyOmutumba nguka sho gwa patululwa mu Febuluali kutya inamu kundathana aantu, ihe kundathaneni iinima,” Omunashipundi gwOparliamende Theo-Ben Gurirab ta popi ngaaka.”Pethimbo lyokafudho okale hoka twalyeni muko, ondali ndaluka otamu zi mo mwi itula mo miinakugwanithwa yeni, ashike otamu tsikile natango nomikalo dheni omikulu,” ta nyana ngaaka iilyo yOparliamende.Opo oshinima shika hulithwe po, Minista Albert Kawana okwa undulile oompata ndhika komasiku 9 ga Apilili.Momulekeneno gwEmbo lyoshimaliwa gwa zi ko, oongundu dhopapolitika odha li dha pewa oshimaliwa shoomiliyuna 16,3 nando nee oshimaliwa shoka kwali sha pulandwa osha li poomiliyuna 16,4.Momulekeneno gwEmbo lyoshimaliwa shomumvo 2008-09, okwa pulandwa oongundu ndhika dhi ka pewe oomiliyuna 17,6.Oshipambu oshinene shoshimaliwa shika otashi yi ku Swapo ngoka e na iipundi yi li 53 mOparliamende.Oshipundi kehe otashi pewa oondola/N$226 916 – shoka tashi ti nee kutya oomiliyuna 12 otadhi pewa Swapo, omanga CoD ta pewa omiliyuna yimwe oshinkwanu mbali (N$1,2 million).Omupresidende gwOpevi gwoDTA, Philemon Moongo okwa popi kutya oongundu dhompilameno ihadhi pewa oshimaliwa sha gwana nolwindji ihadhi vulu nokuli okukutha ombinga momahogololo goPaitopolwa nenge goPaendoolopa.Ta ti nolwindji ngele tashi ya pomahogololo gookansela dhoondoolopa unene tuu ngele pwa totwa ondoolopa ompe, oongundu dhompilameno ihadhi vulu okukutha ombinga nuupu.”Okuza kemanguluko lyoshilongo, okwa li kwa ningwa omahogololo gopaikandjo ge li 20.Oshinima shika osha pumbwa okutalwa nomadhiladhilo gowina ngele nani oshimaliwa shEpangelo osha nuninwa okunkondopeka uundemokoli nosho wo okupitika uungundu uushona wopapolitika wu kuthe ombinga momahogololo gopaikandjo.Ina shi pitika oongundu ndhoka oonene nooyamba dhi tulwe ketanga, ano odho adhike dhi kale tadhi dhana onkandangala,”Moongo ta popi ngaaka.Swapo oku na iipundi yi li 53 mOmutumba gwOparliamende kwa gwedhwa iilyo ihetatu mbyoka hayi ulikwa kOmupresidende gwOshilongo, omanga oongundu dhompilameno dhi na mo owala iilyo yi li 19.Okwa tumbula kondandalunde omahogololo gondoolopa ompe ya Omuthiya ngoka ga undulilwa komeho nosho wo omahogololo gopashikandjohogololo shEenhana ngoka ga tegelelwa taga ka ningwa momasiku 29 Maalitsa.Ominista yElongo Nangolo Mbumba okwa popi kutya Moongo ota dhana nOmulekeneno, ashike MchHenry Venaani gwoDTA okwa yi mo kutya Oominista dhEpangelo naapeha yadho otaya vulu okulongitha iihauto yawo yopambelewa moku ka ninga iigongi nenge tutye iikonga yomahogololo.Ominista yOmapangelo gOpaitopolwa nOmatumbo John Pandeni okwa yi mo kutya osheetwapo sho DTA, “oshi na kohi”.Kazenambo okwa tamaneke nokunyana oongumbali dhoCoD ndhoka tadhi itamaneke dhodhene kutya yamwe oya yaka po otyeke ndjoka ya pewa ongundu yawo kEpangelo.”Oshinima oshi li ngashiingeyi kutya ongundu yimwe yoCoD otayi tamaneke onkwawo kutya oya yaka ootyeke,” ta popi ngaaka.Nora Schiming-Chase okwa thikama e ta popi nokutamaneka kutya Kazenambo okwi igilila okuponokela iilyo yOparliamende paumwene pethimbo.”Ngele tashi ya pokuyaka kwootyeke moSwapo, otashi ka hulile moondola dhoomiliyuna odhindji,” ta popi ngaaka.”Ino tameka okwiiyaga naampoka itapu nyu, otashi vulika shi ke ku ehameke,” ta popi ngaaka mOshimbulu.Pethimbo ndika iilyo okuza koombinga adhihe oya tameke okwiidhopa mo, oshinima shoka sha etitha Omunashipundi gwOparliamende a longithe oonkondo dhe okugundjilika iilyo yomutumba.”Onde mu lombwela nale pethimbo lyOmutumba nguka sho gwa patululwa mu Febuluali kutya inamu kundathana aantu, ihe kundathaneni iinima,” Omunashipundi gwOparliamende Theo-Ben Gurirab ta popi ngaaka.”Pethimbo lyokafudho okale hoka twalyeni muko, ondali ndaluka otamu zi mo mwi itula mo miinakugwanithwa yeni, ashike otamu tsikile natango nomikalo dheni omikulu,” ta nyana ngaaka iilyo yOparliamende.Opo oshinima shika hulithwe po, Minista Albert Kawana okwa undulile oompata ndhika komasiku 9 ga Apilili.Momulekeneno gwEmbo lyoshimaliwa gwa zi ko, oongundu dhopapolitika odha li dha pewa oshimaliwa shoomiliyuna 16,3 nando nee oshimaliwa shoka kwali sha pulandwa osha li poomiliyuna 16,4.Momulekeneno gwEmbo lyoshimaliwa shomumvo 2008-09, okwa pulandwa oongundu ndhika dhi ka pewe oomiliyuna 17,6.Oshipambu oshinene shoshimaliwa shika otashi yi ku Swapo ngoka e na iipundi yi li 53 mOparliamende.Oshipundi kehe otashi pewa oondola/N$226 916 – shoka tashi ti nee kutya oomiliyuna 12 otadhi pewa Swapo, omanga CoD ta pewa omiliyuna yimwe oshinkwanu mbali (N$1,2 million).