Iilyo omugoyi yOmushasho-hoko osho ya kwatwa po kOpolisi ya Shakati

A AGUNDJUKA yomomikunda dhi li momudhingoloko gwa Elim mUukwambi mOshitopolwa sha Musati ye li omugoyi, mboka hayi ithana aamati yomongundu yOmushasho-hoko, nohaya kala nee taya piyaganeke aantu, taye ya dhenge aniwa poondingosho mpoka, taye ya ningile omatilitho gi ili nogi ili noku ya yeka iinima yawo, oya kwatwa po kOpolisi mOsoondaha ya zi ko konima yokashawa okanene ka ningwa kOpolisi mOshikandjo sha Elimi moka.

Komanda gwOpolisi mOshitopolwa sha Shana Komufala gwOpevi gwOpolisi Ndahangwapo Kashihakumwa, ta lombwele oshigongi shaatoolinkundana petameko lyoshiwike shika mOshakati kutya aakwashigwana yokOshikandjo sha Elim oye ya kOpolisi nokulopota kutya momikunda dhawo moka omu na okangundu kaamati aagundjuka taku tiwa aniwa kutya edhina lyako “Omushasho-Hoko” taka piyaganeke aakwashigwana nayi nokuyona ombili yawo mOshikandjo sha Elimi moka. Aakwashigwana taya ti kutya iilyo yokangundu hoka, otayi ende tayi ningile aantu omatilitho, tayi dhenge aantu puundingosho mpoka, tayi yaka po nenge tayi kutha po iinima yaantu koonkondo nosho tuu.Aakalimo mbaka taya ti kutya ombili nengungumano pomikunda dhawo mpoka oya yonwa kaagundjuka mbaka notaya indile Opolisi yi katukile aagundjuka mbaka onkatu yOpaveta.”Opolisi pamauyelele ngoka twa pewa, otwa yi ko mOsoondaha ndyoka ya zi ko, tatu ningi okashawa okanene momikunda ndhoka twa lombwelwa notwa kwata ko aamati aagundjuka ye li omugoyi.Oya li ye na okukala omulongo, ashike gumwe okwa fadhuka po, “kOmufala gwOpevi gwOpolisi Kashihakumwa ta ti ngaw nokugwedha ko kutya ngoka a fadhuka po otaye mu kongo no nye na oku mu kwata wo naye.Ta ti kutya aamentu nee mboka ya kwata po oyo, Alex Mandume gwoomvula 22 gwomomukunda Onengali mo Elim, Lameck Uusiku gwoomvula 31 gwomOnatshiku moElim, Mensach Jeremia gwoomvula 25 gwomomukunda Onatshiku moElim, Shapumba Iiyambo gwoomvula 20 gwomomukunda Onengali moElimi, omkugundjuka gumwe ogwoomvula 17 gwomomukunda Iihanguti moElim, Elago Tadeus gwoomvula 26 gwomomukunda Onatshiku mo Elim, Ndili Angula gwoomvula 20 gwomomukunda Onatshiku mo Elim, noshowo nee Nghilifa Sheehama gwoomvula 23 na Simon Ruben gwoomvula 20, ayehe yomomukunda Iihanguti mOshikandjo sha Elim.Aamati mbaka oya holokele nee mOmpangu ya Mengestrata mOshakati mEtiyali lyoshiwike shika niipotha oyindji yomaningonayi gaantu, ngashi omadhengo nomathiminikotilitho nosho wo okuya momahala gaantu yaa na epitiliko.Inaya pulwa manga yatye sha noshipotha shawo oshuundulilwa keti 23 Oktoba 2007 omolu omakonaakono gOpolisi natango moshinima shika.Kashihakumwa ota ti kutya mOsoondaha moka ye ya kwata, yamwe yomuyo sho yuuvu kutya Opolisi omo yi li momikunda moka tayi ya kongo, oya zala nziya oonguyo, ooshuta dhawo nokuya komambo, ya ka holama mOngeleka ya Elimi moka.”Opolisi inayi ongaonga nande, oko ya yi kOngeleka hoka, nokonima sho ya popi nOmusita kombinga yaamentu mboka ye ya ya holame mElongelokalunga, oye ya kwata mo nokuya nayo, “Komanda gwOpolisi mOshana Kashihakumwa ta ti ngawo.Opolisi otayi ti kutya aagundjuka mbaka, oya yona nayi ombili yoshigwana mOshikandjo sha Elimi moka, naakwashigwana oye ya kutha ko ongaayonimbili, uukumwe nengungumano lyoshigwana mOshikandjo shoka.Kashihakumwa ota indile koshigwana shomoElim nomomudhingoloko ngoka, ya kale taya longele kumwe nOpolisi mokuvudha mo ookalyamupombo mboka, oshoka otaya yono Oveta nElandulathano noshowo ombili nonkalonawa yoshigwana.Aakwashigwana taya ti kutya iilyo yokangundu hoka, otayi ende tayi ningile aantu omatilitho, tayi dhenge aantu puundingosho mpoka, tayi yaka po nenge tayi kutha po iinima yaantu koonkondo nosho tuu.Aakalimo mbaka taya ti kutya ombili nengungumano pomikunda dhawo mpoka oya yonwa kaagundjuka mbaka notaya indile Opolisi yi katukile aagundjuka mbaka onkatu yOpaveta.”Opolisi pamauyelele ngoka twa pewa, otwa yi ko mOsoondaha ndyoka ya zi ko, tatu ningi okashawa okanene momikunda ndhoka twa lombwelwa notwa kwata ko aamati aagundjuka ye li omugoyi.Oya li ye na okukala omulongo, ashike gumwe okwa fadhuka po, “kOmufala gwOpevi gwOpolisi Kashihakumwa ta ti ngaw nokugwedha ko kutya ngoka a fadhuka po otaye mu kongo no nye na oku mu kwata wo naye.Ta ti kutya aamentu nee mboka ya kwata po oyo, Alex Mandume gwoomvula 22 gwomomukunda Onengali mo Elim, Lameck Uusiku gwoomvula 31 gwomOnatshiku moElim, Mensach Jeremia gwoomvula 25 gwomomukunda Onatshiku moElim, Shapumba Iiyambo gwoomvula 20 gwomomukunda Onengali moElimi, omkugundjuka gumwe ogwoomvula 17 gwomomukunda Iihanguti moElim, Elago Tadeus gwoomvula 26 gwomomukunda Onatshiku mo Elim, Ndili Angula gwoomvula 20 gwomomukunda Onatshiku mo Elim, noshowo nee Nghilifa Sheehama gwoomvula 23 na Simon Ruben gwoomvula 20, ayehe yomomukunda Iihanguti mOshikandjo sha Elim.Aamati mbaka oya holokele nee mOmpangu ya Mengestrata mOshakati mEtiyali lyoshiwike shika niipotha oyindji yomaningonayi gaantu, ngashi omadhengo nomathiminikotilitho nosho wo okuya momahala gaantu yaa na epitiliko.Inaya pulwa manga yatye sha noshipotha shawo oshuundulilwa keti 23 Oktoba 2007 omolu omakonaakono gOpolisi natango moshinima shika.Kashihakumwa ota ti kutya mOsoondaha moka ye ya kwata, yamwe yomuyo sho yuuvu kutya Opolisi omo yi li momikunda moka tayi ya kongo, oya zala nziya oonguyo, ooshuta dhawo nokuya komambo, ya ka holama mOngeleka ya Elimi moka.”Opolisi inayi ongaonga nande, oko ya yi kOngeleka hoka, nokonima sho ya popi nOmusita kombinga yaamentu mboka ye ya ya holame mElongelokalunga, oye ya kwata mo nokuya nayo, “Komanda gwOpolisi mOshana Kashihakumwa ta ti ngawo.Opolisi otayi ti kutya aagundjuka mbaka, oya yona nayi ombili yoshigwana mOshikandjo sha Elimi moka, naakwashigwana oye ya kutha ko ongaayonimbili, uukumwe nengungumano lyoshigwana mOshikandjo shoka.Kashihakumwa ota indile koshigwana shomoElim nomomudhingoloko ngoka, ya kale taya longele kumwe nOpolisi mokuvudha mo ookalyamupombo mboka, oshoka otaya yono Oveta nElandulathano noshowo ombili nonkalonawa yoshigwana.