Iilya yOmahangu ya ndumbala pu Anamulenge

O KANGUNDU taka ungaunga netungululo newapalekululo lyOngeleka ya Anamulenge mOmbalantu mOshitopolwa sha Musati otaka tseyithile oshigwana kutya sho kwa li kwa ningwa Osumina yetungululo newapalekululo lyOngeleka ndjika ya Anamulenge, oyendji yomOshitopolwa sha Mbalantu oya gandjele iilya oyindji yomahangu noyomushokolo.

Etokolo olya kala nee li li ngeyi kutya mboka taya ka umba iilya, otayi ka landithwa po oshimaliwa shi gwedhwe kwaashoka sha monika po koomuma shi ka lande iikwaniipangitho yokutungululitha nokuwapalekululitha Ongeleka ndjika. Gumwe gwomiilyo yOkomitiye nee ndjoka tayi ungaunga netungululo newapalekululo lyongeleka ndjika tate Josef Kanyenye Aluvilu, ngoka wo e li Kansela gwOshikandjohogololo shika sha Anamulenge, ota ti nee kutya sho ya longekidhile Osumina yokutungululitha Ongeleka omathimbo ga zi ko, Aakwanegongalo oyendji oya umbu iilya oyindji lela.Iilya mbika oya ndumbala nee poAnamulenge mpoka, Ootona nOotona notaya indile nee koshigwana shoka sha hala iilya shi ye shi yi lande po manga kuyele.Ondando otayi ka kundathanwa.Gumwe gwomiilyo yOkomitiye nee ndjoka tayi ungaunga netungululo newapalekululo lyongeleka ndjika tate Josef Kanyenye Aluvilu, ngoka wo e li Kansela gwOshikandjohogololo shika sha Anamulenge, ota ti nee kutya sho ya longekidhile Osumina yokutungululitha Ongeleka omathimbo ga zi ko, Aakwanegongalo oyendji oya umbu iilya oyindji lela.Iilya mbika oya ndumbala nee poAnamulenge mpoka, Ootona nOotona notaya indile nee koshigwana shoka sha hala iilya shi ye shi yi lande po manga kuyele.Ondando otayi ka kundathanwa.