Iilongomwa yaza miiyagaya nayilwe

MOKUTALA tango oto dhiladhila kutya shoka shi lipo osho ashike oompunda dhoplastika oondudhe dhiiyagaya dhu udha oombapila omapumba goongombe noshowo iiyagaya ya kukuta yiimeno.

Ndele shampa we ya popepi opo to mono kutya oshinima oompunda dha longelwa oshikalimo shiilongomwa yoombapila oompe ndhoka tadhi longwa okuza moombapila dha longululwa..Iikwa mbapila ya longululwa oha yi longwa pofabulika oshona yopOmaruru.Ehangano ndika ha li longo mbika oha li ithanwa Grow Namibia, ndyoka lya totwapo ku Bryony van der Merwe, ngoka elalakano lye okugandja kuushitwe nokaantu ya Namibia.Ondjodhi ya Van der Merwe yoku kala paushitwe oyo ya vala Grow Namibia, ngoka ngashingeyi ta hili aantu oyendji.Okwa ti okwa hala ehangano lye li kune ombepo yoku longithulula iinima opo pu nkondopekwe aantu mboka kaayena iilonga shota pa etwa oompito dhiilonga melongululo lyiinima..Ngashingeyi Van der Merwe oku na aaniilonga yeli ya hetatu mofabulika ye ndjika oshona, mboka taya tete oombapila, taya tholoma, taya thaneke nenge taya umbu po noshowo ngoka ha wilike iinima ayihe nkene ayihe mbika ta yi longwa melandulathano.Ondungedhiladhilo ompu oshoka oombapila unene ngaashi dho, moombelewa ohadhi tetwa po eta dhi tulwa momeya eta dhi ningwa embombo omanga inaadhi tulwa miitholomo yoombine hoka hadhi kukutile kohi yoonte dhetango pondje.Opo pa ningwe oombapila dhomaludhi gi ili no gili gena omaukwatya wongandi membombo lyoombapila oha mu tulwa kutya omapumba goongombe, goondjamba, goompanda nosho tuu, nenge nokuli tamu tulwa omafo goongala ,goonyanga nosho tuu.Van der Merwe ota ti yo oha ya longo taya lolo iinima oyindji na iilongomwa unene oyo oombapila dhomalwaala gi ili nogi ili..Ko Europa iinima oyindji oha yi longululwa ndele muka moNamibai shika oshishona showala. Onkene uuna aaEuropa ye ya muka oku talelapo ohaya kumwa kutya omolwashike ihaatu longulula iinima yetu, nopamukalo nguka otatu kalekepo uushitwe.