Iilonga yomuyonena ya shuna pevi moKaras

IILONGA ya shewa yopolisi moshitopolwa sha Karas mbyoka ya li ya ukilila omahala gomanwino kaageli pampango noshowo okunwa iikolitha momapandaanda, okutonatela kwopolisi momikunda adhihe miilando yomoshitopolwa shoka, osha fala iilonga yomiyonena pevi moKaras pethimbo lyefudho ndyoka opo lya hulu.

Omugandjimalombwelo gwo polisi moshitopolwa, Komufala gwopevi Josephat Abel okwa ti iilonga yashewa yopolisi, oya li ya shoneke uundingosho, noshowo oondunda dhiikunwa pakusoshimpwiyu kutya mbaka otaya longo meni lyootundi ndhoka dhu uthwa ya longe. Mboka inaa ya longa pamautho, oondunda dhawo odha edhilwa kopolisi.Abel okwa ti pethimbo lyefudho inapa tseyithwa nando oshiponga shimwe shedhipago pokati ko 30 ga Novomba 2009 sigo ga 7ga January 2010.’Otwe shi pondola okukala tuna orecorda ombwanawa ya yela kombinga yomadhipago ethimbo ndika.’Abel ta ulike.Pethimbo lyefudho omumvo 2008 iiponga yomadhipago oya li po itatu moshitopolwa shaKaras.Iilonga yomuyonena ya kwaalukehe oya shuna pevi nooperesenda 30 okuyeleka nomumvo 2008, Abel a ti.Okwa popi uutile we kombinga yomahokololo ge na sha niiningwanima yekwato koonkondo moshitopolwa, ta ti iiningwanima 19 oya li ya tseyithilwa opolisi omumvo 2009 okuyeleka no 18 omumvo 2008.Iipotha yokudhenga nokweehameka oya shuna pevi nooperesenda 12, iipotha yokuhinga kohi yiikolitha oya gu nooperesenda 20 omanga iipotha yeyako lyiimuna moshitopolwa yashuna pevi nooperesenda 30.’Eidhidhimiko neitulemo lyiilyo yopolisi okukondjitha iilonga yiimbuluma pethimbo lyefudho oya ningi nawa oshoka shika osha shunitha nokukaleka iilonga mbika pevi moshitopolwa.’ Abel ta tsikile. Okwa pandula oshigwana molwelongelokumwe.’Oradio yoshigwana yomoshitopolwa shoka nayo oya kwathele pethimbo lyefudho okutseyitha etumwalaka lyokukondjitha iilonga yomuyonena’ Abel ta ulike.