Iilonga yaahetatu poRossing Foundation tayi kana

OTASHI vulika aaniilonga ya hetatu yo Rossing Foundation ya ka kuthwe miilonga, sha landula koonkundana kutya ehangano ndyoka olina eshongo enene lyoshimaliwa.

Ehangano ndika ota ku tiwa olili mompumbwe yoshimaliwa molwaashoka ina li pewa oshimaliwa okuza kehangano ekuluntu lyalyo, ndyoka lyomina yoUranium ya Rossing popepi noShiwakopo. Okuza tuu nkene Rossing Foundation a dhikilwepo omumvo 1978 ehangano lyomina youranium ya Rossing olyo lya kala noshinakugwanithwa oku gandja iimaliwa yokulongitha yendiki ndika lya Rossing.Omasiku ngaka omuwiliki gwa Rossing Foundation, Job Tjiho okwa ti ehangano lye ot a li longo nuudhigu oshoka ina li pewa oshimaliwa oku za ku yina yalyo konyala uule womimvo ndatu ngashingeyi, naashika osho sheeta mpoka kutya opena edhiladhilo oku kutha miilonga konyala aaniilonga yehangano ndika ye li ya hetatu.Tjiho ina vula oku koleka oshinima shika , nokwa ti ashike ita vulu okutomona kondandalunde kutya aantu yangapi taya ka gumwa kwaashika.Omanga oshiwike sha ziko omunashipundi shewilikongundu lya Rossing Foundation, Rehabeam Hoveka okwa li a koleke kutya opena ompito opo pukuthwe aantu yamwe miilonga.Omuwiliki gwa Rossing Foundation, Job Tjiho okwa ti oye li muupyakadhi woshimaliwa molwaashoka ina ya ppewa sigo oompaka iimaliwa mbyoka ya kala ha ya pewa okuwilika nokweenditha ooprograma dhawo. Pethimbo ndika otaya ningi oonkambadhala opo ya mone ngele eshongo ndika ota li taagulukwa. Omolwa oshinima shika ooprograma dhimwe odha gumwa na otadhi kagumwa ngele mboka ha yedhi wilike oya zimo miilonga.Omupopiliko gwa Rossing Uranium, Jerome Mutumba okwa ti yina ya Rossing Foundation ka li ta vulu okugandja iimaliwa komwana ngoka , oshoka naye okwa li muudhigu wekanitho lyoshimaliwa uule womimvo dha piti. Okwa ti endiki ndyoka olya li ha li pewa oopersenda ndatu dhiimaliwa mbyoka ya likolwa ku RossingUranium omanga inaaku kuthwa iifendela, ndele omimvo dha piti Rossing Uranium okwa ningi omimvo itaa likola nawa. Mutumba okwa gandja ekwashilipaleko kutya ehangano lye ita li ethapo oshinakugwanithwa shalyo oku gandja imaliwa koRossing Foundation.Endiki ndika oha li longo aakwashigwana miipungulonga yayooloka oku ya nongopeka opo ye kii kwathe nuunongo watya ngaaka monakuyiwa.