Iilonga ya tameka mpoka tapu fumvikwa oonakusila mOkambesa

RUNDU – Iilonga oya tameka nale pehala mpoka tapu ka fumvikwa aantu ye li 28 mboka ya sile moshiponga sheidhengomumwe lyiihauto mondjila onene ya Rundu nOshaanda oshiwike sha zi ko.

Okwa talika kutya shika osho oshiponga oshinene shiihauto tashi dhipaga aantu palumwe mu Namibia konima yemanguluko. Aantu ye li 28 mboka oyendji yomuyo ye li aanona oya kanitha oomwenyo dhawo konima sho ololi yoondongelwa nokambesa hoka haka felefula okufala nokukutha aantu ko Rundu yi idhenge mumwe mEtiyali lyoshiwike sha zi ko.Mayola gwondoolopa ya Rundu meme Sabina Mufenda okwa ti kutya Olaata yondoolopa oya gandja nale iikwaniipangitho mbyoka tayi ka longithwa okuwapaleka ehala lyoombine dhoometa 600 mpoka kwa thanekwa tapu ka fumvikwa aantu mboka.Okwa hokolola wo ngeyi kutya omayakulo ngoka ga gandjwa kOlaata ogeli eyambidhidho lyawo kaakwanezimo lyoonakusa mboka.Ta ti kutya etungo lyewendo lyolyene otali tameke ohela mEtitatu.Okwa thanekwa kutya efumviko lyolyene otali ka ningwa mOlyomakaya tuuka noshituthihupulutho otashi ka ningwa pOkapale komaudhano po Rundu.*Pokati mpoka Ngoloneya gwoshitopolwa sha Kavango, John Thighuru okwa indile opo aanuumbashu naanuumbenge yalwe ya shunithe omambako goongelema nooradio dhawo pevi nelalakano okusimaneka oonakusila moshiponga shoka.Konyala aakwanezimo ye vulithe pomilongo ntano (50) oya galukile kegumbo ko Rundu ongulohi yOsoondaha okuza kOshakati hoka ya yile okukadhimbulula omidhimba dhaakwanezimo yawo mOkila yOpolisi hoka.Pethimbo ya galukile kegumbo ngaaka Ngoloneya Thighuru okwa popi kutya ondoolopa ayihe nayi kale meimweneneno lyoosa ndhoka sigo taku ningwa efumviko.Okwa popi nokwiindila koshigwana kutya ina ku ningwa nando omaudhano, oomusika nenge iituthi yomainyanyudho mo Rundu sigo efumviko lya li ningwa.Nando ongaaka okwa hokolola nokuyelitha ngeyi kutya oongeshefa nadhi ye owala komeho, ihe okwa gunu mboka haya ningi ekudhilo unene tuu ooyene yuumbashu nuumbenge kutya naya kaleke oongelema nooradio dhawo tadhi lilile pevi.Ta ti shika otashi ningwa nelalakano okugandja esimaneko koonakusa noshowo kaakwanezimo yawo.- NampaAantu ye li 28 mboka oyendji yomuyo ye li aanona oya kanitha oomwenyo dhawo konima sho ololi yoondongelwa nokambesa hoka haka felefula okufala nokukutha aantu ko Rundu yi idhenge mumwe mEtiyali lyoshiwike sha zi ko.Mayola gwondoolopa ya Rundu meme Sabina Mufenda okwa ti kutya Olaata yondoolopa oya gandja nale iikwaniipangitho mbyoka tayi ka longithwa okuwapaleka ehala lyoombine dhoometa 600 mpoka kwa thanekwa tapu ka fumvikwa aantu mboka.Okwa hokolola wo ngeyi kutya omayakulo ngoka ga gandjwa kOlaata ogeli eyambidhidho lyawo kaakwanezimo lyoonakusa mboka.Ta ti kutya etungo lyewendo lyolyene otali tameke ohela mEtitatu.Okwa thanekwa kutya efumviko lyolyene otali ka ningwa mOlyomakaya tuuka noshituthihupulutho otashi ka ningwa pOkapale komaudhano po Rundu.*Pokati mpoka Ngoloneya gwoshitopolwa sha Kavango, John Thighuru okwa indile opo aanuumbashu naanuumbenge yalwe ya shunithe omambako goongelema nooradio dhawo pevi nelalakano okusimaneka oonakusila moshiponga shoka.Konyala aakwanezimo ye vulithe pomilongo ntano (50) oya galukile kegumbo ko Rundu ongulohi yOsoondaha okuza kOshakati hoka ya yile okukadhimbulula omidhimba dhaakwanezimo yawo mOkila yOpolisi hoka.Pethimbo ya galukile kegumbo ngaaka Ngoloneya Thighuru okwa popi kutya ondoolopa ayihe nayi kale meimweneneno lyoosa ndhoka sigo taku ningwa efumviko.Okwa popi nokwiindila koshigwana kutya ina ku ningwa nando omaudhano, oomusika nenge iituthi yomainyanyudho mo Rundu sigo efumviko lya li ningwa.Nando ongaaka okwa hokolola nokuyelitha ngeyi kutya oongeshefa nadhi ye owala komeho, ihe okwa gunu mboka haya ningi ekudhilo unene tuu ooyene yuumbashu nuumbenge kutya naya kaleke oongelema nooradio dhawo tadhi lilile pevi.Ta ti shika otashi ningwa nelalakano okugandja esimaneko koonakusa noshowo kaakwanezimo yawo.- Nampa