Iilando ya pumbwa okwiiyutha kelunduluko lyombepo

IILANDO yAfrica mbyoka yi li komunkulofuta oya pumbwa oku tameka okweetapo omalunduluko okwiiyutha kelunduluko lyonkalo yombepo yuuyuni nena.

Shika osha li sha popiwa poshigongi ilonga shi na sha niilongo yokominkulo sha li sha gongala metuliloskepa lyaMbaye omwedhi gwa yi.Oshigongi shika osha li sha eta pamwe aayenda yopaigwana yena sha nomudhingoloko, aakalelipo yomalelo giilando, yooministeli dhepangelo lyaNamibia, noshowo mboka yoministeli yoohi noonzo dhomefuta.Oshigongi shika opo pwa tulwa miilonga olutu ha lu ithanwa International Council for Local Environmental Initiatives in Africa sha tseyika kohi yomalongekidho gehangano lyedhina Southern Africa Five Cities Network to Pioneer Climate Change Adaptation.Petameko lyoshigongi omuwiliki gwoshikondo shiiyagaya moMbaye, David Uushona okwa ti oshilando she oshina elago molwaashoka oshi li oshitopolwa moonkambadhala dhokukonga eyamukulo kelunduluko ndyoka lili mombepo yuuyuni nena.Okwa ti oshigongi oshaanawa molwaashoka ota shi topola ontseyo miinima yelunduluko lyombepo na ishewe osho osheenditho oshiwanawa okutotapo omikalo nkene iilando ta yi lundulula okukala kwayo ngele tashiya kelunduluko lyomombepo.Okwa ti omauyelele ota ga ulike kutya otapa ka konekwa eindjipalo meitumbo lyefuta, moonkondo dhombepo, noshowo miikungulu yomefuta omathimbo tu uka komunkulofuta gwaNamibia.Okwa londodha kutya sho onkuvu dhuuyuni hoka kwapungulwa omeya ogendji molupe lwiikangwa taga hengumuka opena ompito kutya ‘Oshilando sha Mbaye ota shi yi kohi yomeya mo 2030, shika otashi ka guma omayakulo genasha noshigwana shomoshilando’.Omalunduluko ngaka ita ge ya muusiku wumwe onkene osha simana opo omuntu kehe a ka le a tseya kutya opu na oshinima sha tya ngaaka nopwa pumbwa eilongekidho. Opwa pumbwa elunduluko opo uuna shika tashi ka ningwa oshilando oshi ilongekidhila omalunduluko ngoka.Omanwethemo ngoka ga tegelelwa ota ga konakonwa kaawiliki opo aaningi yomatokolo ya kale ye shi nkene taya vulu okuninga omatokol ge li nawa monakuyiwa.Pahokololo lya Stern Review shomumvo 2007 ota li ti elunduluko lyombepo olya nika oshiponga kaakalimo niigwana yomiilando yokomunkulofuta.Omathaneko ngoka ga zi moshigongi iilonga shika ota ga ka tumwa koshigongi shinasha nelunduluko mombepo yuuyuni shoka tashi kala ko omwedhi ta gu ya muCopenhagen sha Denmark.