Iigwanahangano oyi ikwata ekwatopo lyaagandjimakwathelo mu Sudan

GENEVA – Omukuluntu gwOkomisi yIigwanahangano yi na sha negameno lyUuthemba wOmuntu, Louise Arbor, okwa popi kutya okwi ikwata ekwatopo yomuniilonga omugandjimakwathelo gwopaigwana mu Sudan, ngoka a li a kwatele komeho omakonakono kombinga yoolopota kutya moshitopolwa aakwiita yEpangelo otaya kwata koonkondo aakiintu moshitopolwa sha Darfur.

“Shika oshinima oshiwinayi lela,” Arbour osho a popi ngaaka. Omundohotola Paul Foremen, gwehangano lyedhina Doctors Without Borders, okwa li a kwatwa po e ta tulwa mokakuma mu Khartoum mOmaandaha, a lopotelwa oshipotha shokukala ompinge nEpangelo lya Sudan.Ihe konima okwa ka mangululwa sho i ifutile mo.Nonande Oshikondo Oshipanguli sha Sudan, osha tindi okupopya kutya Foreman okwa li a kwatwa po, ehangano lyawo oli wete kutya shika okwe shi ningilwa sho a tindi okugandja uumbangi mboka a longitha molopota tayi popi omakwatonkonga omadhigu notaga tilitha, taga ningwa kakwiita yEpangelo mu Darfur.Ehangano ndika olya lombwele oshitumikundaneki sha AFP kutya Omukwatakanithi gwawo mu Darfur, Vincent Hoedt, naye okwa li wo a kwatwa po mondoolopa ya Nyala.Konima sho olopota ya Foreman ya piti, Epangelo lya Sudan otali popi kutya molopota ndjika omu na iifundja.Arbour okwa ti ehangano lyawo kali na shoka lya ninga, ihe olya yalula ashike nokutula pombapila omakwatonkonga taga tilitha ngoka taga ningilwa aakiintu moshitopolwa shika.”Omakwatonkonga nomakwatonayi ga nika iipala onkalo yoshili mu na aakiintu mu Darfur,” Arbour ta popi.- Nampa-AFPOmundohotola Paul Foremen, gwehangano lyedhina Doctors Without Borders, okwa li a kwatwa po e ta tulwa mokakuma mu Khartoum mOmaandaha, a lopotelwa oshipotha shokukala ompinge nEpangelo lya Sudan.Ihe konima okwa ka mangululwa sho i ifutile mo.Nonande Oshikondo Oshipanguli sha Sudan, osha tindi okupopya kutya Foreman okwa li a kwatwa po, ehangano lyawo oli wete kutya shika okwe shi ningilwa sho a tindi okugandja uumbangi mboka a longitha molopota tayi popi omakwatonkonga omadhigu notaga tilitha, taga ningwa kakwiita yEpangelo mu Darfur.Ehangano ndika olya lombwele oshitumikundaneki sha AFP kutya Omukwatakanithi gwawo mu Darfur, Vincent Hoedt, naye okwa li wo a kwatwa po mondoolopa ya Nyala.Konima sho olopota ya Foreman ya piti, Epangelo lya Sudan otali popi kutya molopota ndjika omu na iifundja.Arbour okwa ti ehangano lyawo kali na shoka lya ninga, ihe olya yalula ashike nokutula pombapila omakwatonkonga taga tilitha ngoka taga ningilwa aakiintu moshitopolwa shika.”Omakwatonkonga nomakwatonayi ga nika iipala onkalo yoshili mu na aakiintu mu Darfur,” Arbour ta popi.- Nampa-AFP