Iigwanahangano oya hala edhipago lyaaponto ya Saddam li tsilikwe

A MUSHANGA-NDJAYI omupe gwIigwanahangano Ban Ki-moon okwa ningi eindilo kEpangelo lya Iraq li undulile komeho edhipago lyaantu yaali ya li aaponto ya Saddam Hussein, ngoka a dhipagwa omasiku ga zi ko.

Ki-moon eindilo ndika okwe li ningi konima sho iilongo oyindji muuyuni ya gandja uusama kedhipago lya Saddam, ndyoka lya li wo lyu ulikwa kOtelevisi. Omasiku ngaka, Ki-moon okwa li a pewa uusama kuuyuni molwashoka aniwa okwa ndopa okupopya kutya Iigwanahango oya tala ko ngiini edhipago lya Saddam.Omukuluntu gwiilonga yomonanguwi gwa Saddam naangoka a li Omupanguli gwe omukuluntu, okwa tegelelwa nayo ya ka dhipagwe.Barzan Ibrahim al-Tikriti na Awad al-Bandar, oya li ya pewa egeelo pamwe na Saddam, sho aniwa ya dhipaga Aamuslima yomuhoko gwaAaShia ye li 148 momukunda gwa Dujal pomimvo 1980 nasha.Saddam okwa li a mangelekwa momasiku 30 ga Desemba.Mombapila e yi shangele Omukalelipo gwa Iraq kIigwanahangano, Ban okwa ti kutya aantu mbaka inaya dhipagwa.Ta ti, shika oshinima oshiwinayi noonkondo na itashi vulu okwiidhidhimikilwa.Omuprimaminista gwa Iraq Nouri Maliki okwa geela iilongo mbyoka ya kondema edhipago lya Saddam.Maliki okwa ti Iraq ota ka talulula omakwatathano ge noshilongo kehe shoka shi li ompinge nedhipago lya Saddam.Ta ti, edhipago lya Saddam osha li oshinima shawo yene shomegumbo na osha ningwa nelalakano okuhanganitha AaIrqi, ta tsikile ko kutya, Saddam okwa li wo a pangulwa pauyuuki.Italy oku li shimwe shomiilongo mbyoka ya kondema edhipago lya Saddam na omasiku ga zi ko, okwa li a popi kutya ota ka yambidhidha oshikonga shopaigwana shi li ompinge negandjo lyomageelo geso.Omuprimaminista gwa Italy Silivio Berlusconi okwa popi kutya edhipago lya Saddam oli li ”epuko enene lyopandjokonona nolyopapolitika.” Ominista yIimaliwa mEpangelo lya Britain Gordon Brown okwa ti omukalo ngoka Saddam a dhipagwa otagu tilitha noonkondo na kashi shi oshinima shi shi okwiidhidhimikilwa.Okwa ti edhipago lya Saddam itali ka kandulapo omaipumomumwe ngoka ge li pokati kAaSuni nAaShia.BBCOmasiku ngaka, Ki-moon okwa li a pewa uusama kuuyuni molwashoka aniwa okwa ndopa okupopya kutya Iigwanahango oya tala ko ngiini edhipago lya Saddam.Omukuluntu gwiilonga yomonanguwi gwa Saddam naangoka a li Omupanguli gwe omukuluntu, okwa tegelelwa nayo ya ka dhipagwe.Barzan Ibrahim al-Tikriti na Awad al-Bandar, oya li ya pewa egeelo pamwe na Saddam, sho aniwa ya dhipaga Aamuslima yomuhoko gwaAaShia ye li 148 momukunda gwa Dujal pomimvo 1980 nasha.Saddam okwa li a mangelekwa momasiku 30 ga Desemba. Mombapila e yi shangele Omukalelipo gwa Iraq kIigwanahangano, Ban okwa ti kutya aantu mbaka inaya dhipagwa.Ta ti, shika oshinima oshiwinayi noonkondo na itashi vulu okwiidhidhimikilwa.Omuprimaminista gwa Iraq Nouri Maliki okwa geela iilongo mbyoka ya kondema edhipago lya Saddam.Maliki okwa ti Iraq ota ka talulula omakwatathano ge noshilongo kehe shoka shi li ompinge nedhipago lya Saddam.Ta ti, edhipago lya Saddam osha li oshinima shawo yene shomegumbo na osha ningwa nelalakano okuhanganitha AaIrqi, ta tsikile ko kutya, Saddam okwa li wo a pangulwa pauyuuki.Italy oku li shimwe shomiilongo mbyoka ya kondema edhipago lya Saddam na omasiku ga zi ko, okwa li a popi kutya ota ka yambidhidha oshikonga shopaigwana shi li ompinge negandjo lyomageelo geso.Omuprimaminista gwa Italy Silivio Berlusconi okwa popi kutya edhipago lya Saddam oli li ”epuko enene lyopandjokonona nolyopapolitika.” Ominista yIimaliwa mEpangelo lya Britain Gordon Brown okwa ti omukalo ngoka Saddam a dhipagwa otagu tilitha noonkondo na kashi shi oshinima shi shi okwiidhidhimikilwa.Okwa ti edhipago lya Saddam itali ka kandulapo omaipumomumwe ngoka ge li pokati kAaSuni nAaShia.BBC