O
MUTENGENEKWA mwaalu gwoshilando Hentiesbay gwembo lyiimaliwa yomumvo 2011-2012 ogwa thaneka egwedhelo lyoondando dhelongitho lyomeya lyooperesenda 15 noshowo iifuta yilwe.
Iifuta yomahala notekisa oya ulike eyo pombanda nooperesenda omilongo 40, shi ikwatelela kembo lyokutengeneka ongushu yomahala gomagumbo nomatungo galwe moshilando shoka.Omunashipundi shewilikongundu, Michael Skini moshipopiwa she shomutengeneko thaneko okwa ti omiyalu ndhoka dha thanekwa odha tegelelwa dhi ziminwe kewiliko lyoshilando noshowo koMinisteli yOmalelo Giitopolwa, Iilando, Omagumbo, Nehumokomeho lyoKomikunda.Skini okwa ti pethimbo ta ya ngongopo omutengenoko nguka oya li ya kambadhala oku shonopeka egwedhelo lyiifuta yomayakulo mpoka ta shi vulika noku nenepeka iifutwa yiilonga yehumokomeho moshilando shiikwatelela kekalepo lyoshimaliwa. Skini okwa ti omiyalu dhelongitho esiku kehe lyoshilando odha longekidhwa kelelo lyesiku kehe lyoshilando, nongundu yewiliko oya longitha omiyalu ndhika oku ngongapo omutengenekothaneko nguka. Okwa ti omapulo ogendji oga li ga pulwa kombinga yiinima oyindji , na opwa li pwa gandjwa omayamukulo noshowo omalundululo oga ningwa.Okwa ti woo egwedhelo lyokomumvo olya tulwa momutengenekothaneko, shi ikwatelela kondjele yengushuluko. Skini okwa ti omiyalu kombinga yiilonga odha li dha longwa nuukeka unene tuu sho pena ompumbwe yiimaliwa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
