ICC a tumbula mboka taya popilwa omakuyungo mu Kenya

THE HAGUE – Omutamaneki omukuluntu mOmpangu yOpaigwana ya International Criminal Court (ICC) okwa ti Oominista ndatu nomulumentu gumwe a li nale Omukuluntu gwOpolisi, otaku fekelwa kutya oya li ye lile konima yomakuyunguto ngoka ga li moshilongo shika konima yomahogololo gomomumvo 2008.

Oshinima shika oka tegelelwa shika ete ekuyunguto mEpangelo lyopaukumwe ndyoka li li moshilongo shika, ndyoka lya li lya tulwa po kOmupresidende Mwai Kibaki nOmuprimaminista Railla Odinga nelelakano okweetapo ombili moshilongo. Aantu ya konda po 1 220 oya si omanga ye li 350 000 oya thigi po omagumbo gawo pethimbo lyomakuyunguto ngaka, ngoka ga li ga gandja ethano ewinayi koshilongo shika. Omutamaneki gwOmpangu ndjika Moreno-Ocampo okwa ti kutya ota lamba Ominista yElongo ya tulwa pevi William Ruto, Ominista yIimaliwa Uhuru Kenyetta, Ominista yIikwafaambulika Henry Kosgey naangoka a li nale Omukuluntu gwOpolisi, Mahommed Hussein Ali, shi na sha nomadhipago gaantu ngoka taya fekelelwa.Moreno-Ocampo okwa gandja kOmpangu iipotha iyali ya yooloka, yi na omalopotelo ga yooloka. Aantu yalwe mboka taya fekelwa ya kutha ombinga momakuyunguto ngaka oyo Joshua arap Sang na Amushanga gwOkanete ta Kenya,Francis Muthara.’Aantu mbaka yahamano oye na oku shi yeleka ngele otaya ka holoka mOmpangu na ngele hasho, Aatamaneki otaya ka indila Aapanguli ya gandje elombwelo ya kwatwe po,’ Omutamaneki omukulungu gwOmpangu ya ICC, Luis Moreno-Ocampo, osho a popi ngaaka.Okwa ti kuyele momumvo 2008, Ruto na Kosgey – ye li iilyo yopaati yo Orange Democratic Movement oye li ya tameke ‘opulanda yuukiliminola,’ yokuponokela aayambidhidhi yongundu yo Party of National Unity, unene tuu moshitopolwa sha Rift Valley.Sang okwa li nee aniwa e ya kwathele mokupulanda nomokugandja uuyelele. Pehulilo lya Desemba, iilyo yelyenge ndika oya tameke okunnga iiponokela ya kwatakanithwa nawa momahala gi ili nogi ili, taku longithwa iiyenditho niilwitho ya gandjwa kaalongekidthi yawo. Moreno-Ocampo okwa ti Muthaura okwa li a pitike Opolisi yi longithe oonkondo dha pitilila mokukwata moshipala aakwashigwana, shoka sha ka eta omayaho nomadhipago gaakwashigwana.Kenyatta okwa li aniwa a kwathele mokuhwahwameka uugundu waantu yalwe ze wo moovugo. Ehangano egameni lyuuthemba womuntu lyopaigwana lyedhina Human Rigthts watch, olya nyunyikilwa noonkondo Ompangu ndjika sho ya totha mo aafekelwa mbaka.