Hulitheni po okugandja ombedhi kaantu yalwe

AANAMIBIA na ya hulithe po oku gandja ombedhi ku yalwe molwaashoka kaapena ehumokomeho muAfrica nomoNamibia.

Ngaka ogo omayele ga gandjwa kOminista yopevi yOmapangelo giilando, omikunda noshowo ehumokomeho lyokuushayi, omusamane Kazenambo Kazenambo.Omupevi minista okwa popi ndhika pethimbo lyoonkundathana kombinga yeuvathano thaneko lyoSADC lyuudhindoli, uunongononi, uungomba noshowo okweetapo iipenima, ta ti aaNamibia na yi itale yoyene, na yi ikonakone nokatale konawa opo ya mone kutya otaya eta ehumokomeho ngiini moshilongo.Kazenambo okwa ti ina shi pumbiwa oku gandja ombedhi kuyalwe unene tuu kaakolonyeki molwa endopo lyetu yene okweeta ehumokomeho, oshoka aaNamibia otse yene tu na okutunga nokuhumitha komeho oshilongo shika, ndele ina tu tegelela yalwe ya ze palwe opo yetu tungile oshilongo shi.’Natu hulithe po oku ulika omunwe kaatiligane nokaakolonyeki. Ope na oohedhi dhoku pa yalwe ombedhi, ngashingeyi olyo ethimbo okwiipa ombedhi tseyene, oku pa eiyuvo lyetu ombedhi nomadhiladhilo getu ombedhi,’ Kazenambo ta popi nomuthindo.Oshiholelwa Namibia ota vulu okulonga kehe shimwe yemwene ngaashi omongwa ete gu landitha kepangelo lye noshowo iilongwa yilwe,’ osho a ti ta gandja oshiholelwa.MuAfrica omuna eitaalo kutya shoka sha longwa muka ina shi kola okuyeleka naambyoka ya longwa kiilongo yokuuninginino nenge palwe.’Natu longeni okuhokitha aantu yetu iilongomwa yomoshilongo shetu ngaashi tu tye omahangu na yilwe,’osho a thaneke.