Hitman a talela po Aakwaniilwa mOnooli

ENYAKWA lyoongonyo lyuuyuni lyaNamibia, Paulus ‘The Hitman’ Moses, okwa talelepo omukwaniilwa Elias Kauluma noshowo Martha Mwandinomo a gwanithe euvaneko lye okuya etela esindano ye a pewe omayambeko koongudhi dhoshilongo.

Ethimbo a talelepo Onamungundo Etitano lya ziko, engathithi enene mekwatelokomeho lyomukwaniilwa nomunyekadhi olyali lyemu hambelele noku tanga uunyakwa we.
‘Muuwa waNamungumdo ohamu kolwa oombwa hadhi lyana, hadhi ka kwata tadhi eta kegumbo’, omukwaniilwa ta tanga The Hitman ngaaka. Okwa kumagidha enyakwa li kale nomaihumbato omawanawa noku gandja iiholelwa iiwanawa kaagundjuka oyendji mboka ye mu tala ong’oshiholelewa oshiwanawa. Omayambeko gandje nage ku landule, omukwaaniilwa Kauluma ta kwashilipaleke enyakwa.
The Hitman okwa pandula sho ina sitha ohoni Namibia nosho wo Afrika alihe ngoka a kala a tegelela epapa ndika li etwe kEnenevi ndika. Okwa pandula aawa noku ya uvanekela kutya otaka kambadhala oku ka gamenena po esindano lye, unene tuu ngele Namibia okwe mu gama.Mayola gwaShakati Katrina Shimbulu pethimbo osheendo sha The Hitman sha kankama peembelewa dhelelo lyondoolopa, okwa hokolola esindano lye ‘esindano lyondilo’.
Moshitopolwa shaHangwena Olyomakaya, The Hitman okwa li a\a tsakanekwa kengungo enene lyaantu moShikango li vulithe omahala ogendji moka osheendo shika she endele.
Osheendo osha ka hulila kuuwa wOmukwaniilwa kuku Martha Mwandinomho kOmedi hoka enyakwa lyali lya longekidhilwa iitelekela.
Engathi lya kwatelamo omalenga, ookansela, naadhendingonyo, oshali sha tegelela momzile pamwe nenyakwa opo Omukwaniilwa Mwadinomho eye eya kunde.
Konima sho Omukwaaniilwa a thiki, elenga George Neluluolya tambulako aayenda mOmhedi, noku shilipaleka osheendo kutya esindano ndika ‘uuntsa wuuhamba wUukwanyama’ nokwi indike aagundjuka mboka yi ininga yoku umba uudeisa nokukalela oondunda dhomanwino ya kutheko oshiholelwa.
‘Onda pandula noonkondo mumati gwandje. Ondeku halela ompolo, kala noonkondo mumati gwandje’, Kuku Mwadinomho ta pandula noku halela The Hitman ompolo.
Omunangeshefa David Nghipunduka gwoSerpia Investment okwa halele wo enyakwa oonkondo noku li ulukila kutya otaya kagandja eyambidhidho noku kalekapo epapa ndika moNamibia.
Okwe shi ulike woo moku gandja otjeke yOondola/N$10 000 kenyakwa ongo olupandu kuuule wo. Oshituthi osha hulithwa nomatyapulo ga longekidhilwa owina enyakwa kuuhamba.
The Hitman okwa li a thindikila komudheuli gwe Nestor Tobias, Ominista yOpevi yOmaudhano Pohamba Shifeta, Medusalem Dumeni gwa NamPower, meme gwe naamwayina, ookansela, noshowo aadhengingonyo aakwawo. Osheendo osha shuna ohela kOvenduka.