AATOBDOKI ya Namibia yaali otaya ka kuthombinga muudhano womanyakwa wokumatuka muuyuni wa IAAF.
Uudhano mbuka otawu ka kala moshilando sha Korea lyokuumbugantu, Daegu okuza omasiku 27 ga August sigo omasiku ga 3 ga Septemba nuumvo.Aadhani mbaka oyo Tjipekapora Herunga na Daniel Nghipandulwa. Herunga ota ka kuthombinga mokumatuka oshinano shuule woometa 400 waakiintu. Kuyele nuumvo Herunga okwa thigilepo omumatuki gwa South Africa moshinano shuule woometela 800, Caster Semenya, nokwa etapo omuthika omupe gwa Namibia mokumatuka oshinano shoometa 400, methimbo lyosekonde 52,32 sho ya matukile oshinano shoometa 400.Omumatuki gwiinano yopokati, Nghipandulwa otaka kuthombinga metondoko lyoshinano shoometela omathele 800 shaalumentu. Naye okwa li woo a etapo omuthika omupe gwa Namibia mokumatuka oshinano shoka methimbo lyomunute 1,46,62 momwedhi gwa Mai nuumvo, na okundjangumukwa natango oshoka opo ashike ali a matuka momathigathano moNdowishi. Omuperesidende gwa Athletics Namibia okwa ti ehogololo okutothamo mboka taya yi kethigathano ndika olya li edhigu oshoka aatondoki oyendji oya longa nawa nomathimbo gawo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
