OMUDHENGINGONYO gwa Namibia a simana, Harry ‘The Terminator’ Simon, ngoka a li kala mondolongo pOmbaye uule woomvula mbali – okwa mangululwa mo mEtine lya zi ko.
Simon (36) okwa li a tulwa mondholongo sho a li a monika ondjo moshiponga kashi shi shoshiningilawina. Pethimbo ta piti mo mondholongo, okwa li a tulwa pokati ku Menindjela gwe Ellison Hijarunguru na kuume ke kopothingo, Lucky Shipanga.
Pondje yondholongo opwa li engathithi enene lyokuume naakwanezimo ye, ya li menyanyu enene.
Iihauto oya li tayi hiki oombendo, ya li ya kwatelwa komeho kohauto ya Simon yo BMW onene yu uka kOhotela ya Protea, hoka oko kwa ka ningilwa oshigongi shaanankundana.
Tse otwa nyanyukwa noonkondo okumona Harry omuntu a manguluka,’ Hijarunguru osho a lombwele aanankundana ngaka.
Kepulo ngele ota ka tsikila natango nokumbokisa, Simon okwa shika oshi li momake ga Menindjela gwe naayambulipo.
‘Ihe ngashiingeyi onda hala okukala naanona yandje. Shika osho ashike nda liu tandi dhiladhila sho nda li meni,’ Simon ta popi ngaaka.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
