Happie a yi koLondon

O
MUKADHONA dhingi muNamibia, Happie Ntelamo okwa yi koLondon hoka ta ka kalelapo Namibia methigathano eti 59 lyomukadhona dhingi muuyuni.

Happie ota faalele omagano gopashigwana ngoka taga ka landithwa pomalanditho oMaandaha, ongo shitopolwa shiitendele yetaambo lyaayenda moLondon.Iitelekela mbika oyo etameko lyiiwike itano yiituthi mbyoka ta yi tetekele omauliko ga hugunina gomukadhona dhingi muuyuni ngoka taga ka ningilwa moJohannesburg sha South Africa 12 Desemba 2009.Nuumvo omagano ga Namibia komalanditho ngaka ogo ompunda yoshipa yagandjwa ku Nakara Namibia.Ompunda ndjika ombwanawa oya longwa moshipa shomenye noshongombe yonguni kombinga yimwe.Omagano omakwawo ngoka ga zi kiilongo yimwe oongaashi oongaku dhokumatuka dha shainwa kUsain Bolt ta dhi etelelwa komukadhona gokoJamaicam, oshidhengitho shokatanga kocricket shashainwa ku Brian Lara ta shi etelelwa komukadhona gwa Trinidad na Tobago, efudho lya yaali oku ka talelapo oontuntu dha Cat tali gandjwa komukadhona gwa Bahamas, niinima yilwe oyindji, mwakwatelwa omapopitha, iikutu yopamithigululwakalo, noshowo omalyenge gondilo.Aaunganeki yiitelekela mbika oya thaneka okugongela omiliona yimwe yoodola dhAmerika pomalanditho ngaka.