Hamutenya kena mosha mo 1 lya Apilili

ONGUNDU yo Rally for Democracy and Progress oya ti omuleli gwa yo nomuulikwahogololwa gwopauperesidende kena mo sha moshiningwanima shesiku lyotango lyApilili 1989.

Esiku ndika aakondjelimanguluko yoPlan oyi ipumu mumwe nomatanga ga South Africa gwokatongotongo.Esiku ndika olyo woo okatokolitho kIigwana Hangano UN resolution 435 ka tulwa miilonga.Amushanga gwomahupilo gwo RDP noshilyo shongundu pitithi yopashigwana, Festus Naholo okwa ti, Hidipo Hamutenya kena esiku a kuthile ombinga methaneko lyokutuma aakwiita yoPlan ya iyakele moshilongo, mekondjithathano lyehuliythepo lyiita yemanguluko.’Ota mu lombwelwa dhanakalindi moshilongo muka’, Omutoto ota gu taandelekwa moshilongo muka kutya Hamutenya okwa gandjele elombwelo opo aakwiita yoPlan ye ye moshilongo nokweeta evundakano noshowo oku nwapo einekelo lyiigwana yuuyuni nethikilo lyekondjo lyasimana lyoshigwana mu lyo 1 lyApilili Naholo a hokololele ongundu onene ya ambidhidhi poshigongi sho RDP mOmbaye, osoondaha.Okwa ti omalundilo gokutya Hamutenya ‘omudhipagi na nokutya okwa kuthile ombinga momadhipago nomahepeko gomomalambo gokoLubango kage shi goshili. Naashika osho omitoto dhowala’.’Hamutenya oha tilika molwaashoka oku na omadhiladhilo omaanawa okuyeleka naamboka ta ye mu lundile. Oye mu tsila ondumbo,’Naholo ta ti.’Hamutenya naaleli ayehe yoRDP ka ye na siku ya kuthile ombinga mekwato nomedhipago lyaantu yawo yene nenge oku ya etha ya olele momalambo gomoLubango. Tse ka tu shi aakwiita. Hamutenya ke shi omukwiita. Ye omutseyi gwopolitika na omuleli gwopapolitika. Ke na esiku a kuthile ombinga mokutonda aantu ye’.Okwa ti Hamutenya ota zalekwa omayonagulo ga yalwe.Pahokololo lya Naholo, manga Swapo a koleke ehulithepo lyomaumbathano ‘omukwashigwana’ aniwa okwa ningi shika sho a lombwele aakwiita yoPlan ye ye moNamibia, tashi kondjitha euvathano ndika lyehulithepo lyomaumbathano.’Hamutenya ka li omugandjimalombwelo gwoPlan omunene. Ye pamwe naagandjimalombwelo yopaukwiita: amushanga gwegameno Peter Mweshihange, Dimo Hamaambo, Jesus Hawala, na [Martin] Shali oya li ta ya gandja omayele kutya aakwiita ina ya tumwa ya ka se’ Otwa tameka nomukalo gwo kuhala kanitha po omatanga gaakwiita. Inatu yoneni okatokolitho 435’, Naholo a tsikile.Ehokololo kutya olye a gandjele elombwelo opo aakwiita yoPlan ye ye moshilongo osha kala oshiholekwa shoSwapo sha holekekeka, nongundu oha yi ti kutya aniwa iilyo yoPlan oya kala yi na oontanda meni lyoshilongo omanga euvathano lyehulithepo lyomaumbathano inaali kolekwa.Mu Novomba 2005 omukokoliperesidende, Sam Nujoma okwa gandjele uusama komuminista omukuluntu gwa Britania, Margaret Thatcher, South Africa noshowo Iigwana Hangano.Okwa tile aniwa Thatcher okwi iyakelele moNamibia 31 ga Maalitsa 1989 nokwa ningi iigongi yomonanguwi, moka aniwa etokolo lya ningwa opo aakwiita yoPlan ya ponokelwe esiku lya landula ngaashi sha ka ningwa.