Banner Left

Hamushanga wofikola vati a kengelela ovadali

Hamushanga wofikola vati a kengelela ovadali

… Ovadali ve li 14 ova hala va shunifwe oimaliwa yavo

Hamushanga wofikola mOvenduka ota ningilwa omakonakona eshi vati a kufa omayovi kovadali ta ti oimaliwa yokulinyolifa.

Omupedu kulunhuwiliki wehongo ta vatele moKhomas Robert Dishena onghela okwa koleka kutya ombelewa yomukunhuwiliki wopashitopolwahoololo otai ningile hamushanga wokofikola yedina Eros Primary School omakonakono.

“Otu shi shi osho tashi linyenge. Otwa mona omanyenyeto okudja kovadali nokofikola, nomakonakono oku li metifa,” Osho a ti ngaho.

Ounona vo vadali ava va ningwa oihakanwa ova shuninwa komaumbo shaashi ina nyolifwa shili, oThe Namibian osho ya lombwelwa ngaho.

Omukulunhufikola koEros Primary School Poppy Hamata Etivali okwa ti ita dulu nande okutya sha manga kombinga yoshikumungu eshi shaashi natango otashi konakonwa.

Omudali umwe, oo a popya ashike ina hala nande oukwatya wye wa hololwa, okwa ti hamushanga wofikola okwe mu kengelela oshimaliwa shi fike poN$2 500.

Oshimaliwa eshi otashi dulu okutambulifa omonamati mondodo yotete, hamushanga vati osho a udaneka ngaho.

Ovadali ovo va kumwa koshinima eshi ota va ti ova kengelewa oshimaliwa okudja okudja popN$2 500 fiyo N$5 000.

Omudali umwe oo naye ina hala oukwatya waye wa hololwa opo aamene okaana kaye, okwa ti nande okwa mona okamabpila komafutilo nomukanda wetambulo okudja kofikola,. Okwa li a lombwelwa kutya okaana kaye inaka nyolifwa mosystema.

“Onda futa oshimaliwa shike poN$2 500 shetambulifo opo ndi kaleke po onhele yokaana kange ndee ohandi lombwelwa okaana kange kake mo mosystema,” Osho a ti ngaho.

Omudali okwa ti okwa longifa oshimaliwa shi dulife poN$4 000mokutambulifa omona, moikwafifohongo nomomundjalo wofikola, ashike natango okaana inak a dula okuya keetundi nghee ofikola ya tamekele.

Omudali umwe, oo a tota ongudu koWhatsApp yovadali ava ve li moupyakadi woshinima eshi, okwa ti oonakuningwa oihakanwa ve li 13 ova holoka.

“Eshi kwa li twa ya kombelewa yehongo yomukulunhuwiliki yoshitopolwahoololo, okwa li twa lombwelwa opo tu tote ongudu opo tu ninge omakwatafano e lixwepo, ndee paife otu li 14,” Osho a ti ngaho.

Omudali okwa ti okwa ka tambulifa okaana kofikola yopaumwene konima eshi ofikola yedina Eros Primary School ya kala nokuhenuka omapulo aye kombinga yetambulifo lomona.

Okwa hala oshimaliwa shaye shomalinyolifo e shi shinifilwe.

“Onda tamulifa okaana kange kofikola yopaumwe shaashi ota shaala po koinima yofikola, ashike kombinga nee yovadali ovo itava dulu okufuta eefikola domaumwene?” Osho a pula ngaho.

Eshi kwa li a pulwa a tye ko sha, hamushanga wofikola Etivali okwe likanyuna oinima ei.
“Eembelwa dehongo inadi patululila nge oshibofa osho ame ndi shi. Inadi ifanwa nande omoshoongalele kombinga yoshinima shonhumba.”

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News