Haimbodi a gandja ekopi lyeugathano kaanyasha

OMUNANGESHEFA omugundjuka gwomOkalongo tate Josua Haimbodi ngoka wo e li gumwe gwomAanambelewa aakuluntu mEhangano Ekwashilipaleki lya tseyika nawa Metropolitan, omasiku ga zi ko okwa ningi oshinima sha simana kEgongalo lyawo lya Nandjaba mOkalongo mOshitopolwa sha Musati sho a gandja omagano gEkopi lyeugathano kaanyasha yomEgongalo lyawo lya Kalongo ndjoka li na okukala tali sindanwa kOongundu dhOmalwiimbo.

Tate Haimbodi ta ti kutya Ekopi ndjoka, nonando lya pewa Aanyasha yomEgongalo lya Nandjaba, ano lya pewa Omusitawiliki gwEgongalo ndjoka tate Erasmus Nangongo, pehala lyaanyasha, otali kala tali kondjelwa kOongundu dhOmalwiimbo adhihe dhaanyasha dhomOshitayingeleka shoka sha Kambebe. Kakele kEkopi tate Haimbodi okwa gandja wo omagano giikutu nootaye kaanyasha yEgongalo lyawo lya Nandjaba.Elalakano lyegandjo lyEkopi oli na sha nokwiinyengitha aanyasha mEgongalo nomOmagongalo agehe gomOshitayingeleka shoka sha Kambebe, unene tuu okwiimonena oshimaliwa miiketha yOongundu dhawo dhaanyasha mOshitayingeleka.”Ekopi otali kala tali kondjelwa kOmagongalo gomOshitayingeleka shoka noshowo kOmagongalo gopuushiinda mOshikandjongeleka shUuninginino.Tali kala hali kondjelwa omvula kehe, nEgongalo ndjoka tali ke shi enditha nawa moondjimbo, olyo tali li sindana po.”Tate Josua Haimbodi ta ti ngaaka nokugwedha po ta indile kaanyasha yomEgongalo lyawo kutya ngeno nuumvo ya longekidhe po Ontanda ya kwata miiti opo elalakano lyEkopi li ye miilonga nuumvo nale nokuli.Kakele kEkopi tate Haimbodi okwa gandja wo omagano giikutu nootaye kaanyasha yEgongalo lyawo lya Nandjaba.Elalakano lyegandjo lyEkopi oli na sha nokwiinyengitha aanyasha mEgongalo nomOmagongalo agehe gomOshitayingeleka shoka sha Kambebe, unene tuu okwiimonena oshimaliwa miiketha yOongundu dhawo dhaanyasha mOshitayingeleka.”Ekopi otali kala tali kondjelwa kOmagongalo gomOshitayingeleka shoka noshowo kOmagongalo gopuushiinda mOshikandjongeleka shUuninginino.Tali kala hali kondjelwa omvula kehe, nEgongalo ndjoka tali ke shi enditha nawa moondjimbo, olyo tali li sindana po.”Tate Josua Haimbodi ta ti ngaaka nokugwedha po ta indile kaanyasha yomEgongalo lyawo kutya ngeno nuumvo ya longekidhe po Ontanda ya kwata miiti opo elalakano lyEkopi li ye miilonga nuumvo nale nokuli.