OMULUMENTU gwoomvula 38 okwi imangeleke konima sho a pumu okamatyona kamwe nohauto molukanda lwa Tseiblaagte po Keetmanshoop omutenya gwOsoondaha.
Komanda gwOpolisi moshitopolwa sha Kara, Komufala gwOpevi, Josephat Abel, okwa ti aantu yamwe ya li yu uka kiilonga ongula yOmaandaha, oyi itsu omudhimba gwomulumentu nguka gwe endjela komuti peputa limwe, li li popei naampoka pwa ningilwa oshiponga shika.
Abel okwa ti omulumentu nguka oye Abisai Jason.
Jason okwa li aniwa a lombwele aakwanezimo ye pangodhi konima ashike sho ina ikutha omwenyo, kutya ye pokuya mondholongo ota kutha po okusa.
Ohauto ndjoka a li ta hingi oya pumu okamatyona haka manga ka li ta ka maashinga momapandaanda ga Tseiblaagte, pamwe naayambidhi yo Swapo ooyakwawo okudhimbulukwa oshitithi oshiti: 49 shopaati yawo. Nande ongaaka, ohauto ndjika oya yi ashike inayi thikama.
Okamatyona haka koomvula ntano, Abisai Frans, oke li ta ka mono epango mOshipangelo shEpangelo po Keetmanshoop. Omundohotola Lidis Aquilar okwa ti okamatyona haka oka ehama momutse na oke li monkalo yi li nawa na kapu na mpoka ka teka.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
