Gumwe a tsa omukiintu gwe pOnooli I

IPOTHA iyali yonkambadhala yedhipago oya ningilwa omulumentu gwoomvula 31 gwomomukunda Omutundu mOnooli, sho aniwa a tsu omukadhona gwe nokonona kawo mOsoondaha.

Omukiintu nguka okwa tsuwa iikando oyindji omanga okonona ka tetwa koonyala, Opolisi osho ya lopota ngaaka mEtiyali.Omufekelwa oku li mokakuma. *Opolisi mOnooli otayi konakona eso lyokakadhona koomvula hamano, hoka ka si manga ka li ka kotha na yine uusiku wOsoondaha pomkunda Iishanaputa popepi nOkahao. Otaku popiwa kutya okakadhona haka oko Monika Simeon.*Omukiintu gumwe gwoomvula 57 gwomoshikandjohololo sha Gongo, okwi ikutha omwenyo sho i imangeleke mondunda ye yomwiidhi mOsoondaha.Nakwiikutha omwenyo nguka otaku npopiwa kutya oye Lajha Petrus na shika osha ningilwa maandjawo pomukunda Okapuku. *Opolisi moshitopolwa sha Musati oya kwatwa po omulumentu gwoomvula 38, a lopotelwa ekwatonkonga lyokakadhona koomvula 15 – sha ningilwa pomukunda Okahwakambandjele mOmaandaha.*Oshiponga shohauto sha ningilwa pondje ya Liindili uusiki wOsoondaha, osha faalele omulumentu gwoomvula 34 Opolisi oya lopota kutya Paulus Mwatungange okwa si kiilalo mbyoka a ningwa sho iihauto yali yi idhenge mumwe.*Opolisi pu Tsumkwe mOlyomakaya oya kwata po omulumentu gwoomvula 28, sho a niwa a kwatwa koonkondo omukiintu gwoomvula 41. *Opolisi otayi konakona eteyo lyOsitola yimwe pOshaanda ongula yOsoondaha. Aafekelwa kaye shiwike mOsitola ndjika oya yaka mo oondjaketa 20, uumbindja u li 50, omapando goombulukweya ge li 3o nomapando gaali goongaku. *Omudhimba gwa nyanyuka gwomulumentu gwoomvula 28, Joel Shabandura, owgi istuwa mombashu yimwe molukanda lwa Hakahana pOmaruru mEtitano.Opolisi otayi konakona kutya oshike sha eta eso lya Shabandura.*Omulumentu gwoomvula 22, Meben !Goagoseb okwa si sho a tsuwa momutse po Hoachanes uusiku wOlyomakaya. Shika osha ningilwa pObaa yedhina Bafana Inn na opwa kwatwa omufekelwa gwoomvula 22.