Gumwe a pewa omimvo 24 mokakuma

Omunamimvo 32 okwa pewa ondholongo yoomvula 24 konima yekumba mOmpangu yOpashitopolwa poSwakopmund mEtitatu lyoshiwike sha zile ko.

Mengestrata Gert Retief okwa pe Steven Visage egeelo lyomimvo 32 noomwedhi hamano moshipotha sheyugo, ekwatombambyona, uuhasha neyonagulo lyeliko. Okwa kuthilwako omimvo hetatu ye a kale ina uvikila sha muule womimvo ntano tadhi ka landula.Momasiku 12 ga Januali omumvo gwa zi ko, Visagie okwa li a pula Santelle Garces opo aniwa e mu fale kohauto ye ndjoka ya li ya pwa omahooli.Omanga ngaa aniwa ye li mondjila moka, Visagie okwa ulike omukiintu nguka ombele nokumulombwela a thikame.Meme Garces okwa li pamwe nokanona ke okamati.Okwa manga omukiintu nguka eta hingi naanaa ohauto ye yo BMW sigo okoDune 7.Aniwa omutamanekwa pamwe na Visagie gwedhina Roedolf Carstens okwe ya ndjoina hoka.Visagie ta hokolola ngeyi mOmpangu kutya oye mu thiminike nee pamwe opo Garces a ye kombuta yohauto ya Carstens.Otaku popiwa kutya aalumentu ayehe mboka yaali oya li ya hila iingangamithi (cocane) pethimbo ndyoka.Oya li ya ngwangwana na kaya li nokuli taya vulu okutsikila nopulanda yawo ndjoka ya li aniwa yokulanditha po ohauto ndjoka yo BMW yomukulukadhi.Visagie okwa gandja uumbangi mOmpangu kutya oya li ya pumbwa oshimaliwa tagu pu mo.Nando nee Visagie ina gandja efatululo lya yela kutya omolwashike ya li ya pumbwa oshimaliwa shoka, oonzo dhimwe hoka odha popi ngeyi kutya oya li ya hala okukafuta oongunga dha nakulanditha iingangamithi.Onzo tayi hokolola ngeyi kutya aalumentu mboka oya pewa omukanda tagu ya ningile omatilitho kombinga yoongunga dhiingangamithi ndhoka ye na.Oya hingi aniwa etaya helula okamatyona ka Garces mondoolopa omanga inaya ya kegumbo lya Visagie hoka ya ka tula omukiintu nguka mokila.Oya zimo aniwa megumbo moka etaya yi.Pahokololo lya Visagie ooshapi dhoBMW oye dhi pe omumati gwa mumwayina ngoka ekedhi gandja komusamane gwa Garces.Lwopokati mpoka Garces okwe shi pondola okwiiwewa mo mokila moka ta fadhukapo noku ka konga ekwatho.Easiku lya landula Visagie okwa futu omuhingi gwotaxi, Friederich Awa-Eiseb, opo e mu fale kohauto ye ndjoka yali natango ya paakinga konima ya Meersig.Pahokololo lya Visagie, aniwa omuhingi gwotaxi okwa kutha ondjila ya puka noontamanana odha tukuka.Visagie okwa lombwele omuhingi gwotaxi a thikame, ta kutha ombistoli e tu umbu uukitha kuye hoka.Omuhingi gwotaxi okwa fadhukapo omanga Visagie ta tomeke ohauto ndjoka omulilo.Visagie okwa hokolola ngeyi kutya okwa kutha ondjembo ndjoka po Narraville ashike ke na ombapila yayo.Aalumentu ayehe mboka yaali oya dhitikwa momasiku 14 Januali 2004.Visagie okwa zimine ondjo ye miipotha ayihe mbika iyali.Duard Kesslau ngoka e li omunaveta gwa Visagie moshipotha shika, okwa popi ngeyi kutya kastoma gwe omunona natango, naishewe kapu na ngoka a ehamekelwa miiningwanima mbika, noshikwawo osho shoka kutya Visagie okwa li kohi yiingangamithi.Okwa pula kutya Visagie na pewe egeelo lya yeleka molwashoka Carstens ngoka a li oye omutse omunene moshinima shika okwa li a pewa obooloha omanga Visagie a kala konima yekumba okuza kesiku tuu ndyoka ya dhitikwa.Ofamili ya Visagie oye shi pondola okugongela oshimaliwa shoondola/N$8 000 shoka ya hala yeshifute Eiseb.Nando ongaaka Omutamaneki Tania Tait okwa yamukula ngeyi kutya Visagie ina pewa obooloha molwashoka okwa li a hala okwiiyaka metonatelo lyOpolisi.Ta ti omuntu gwomimvo dhi thike mpoka oku na kuulika omaihumbato ge li nawa.Ta ti wo ngeyi kutya uufuthi ouli oshiponga oshinene ngele nani oto yaka omuntu mwa taalelathana naye oshipala noshipala.Otaxi ndjoka oyo owala ya li osheeti shiiyemo mondjato ya Eiseb noshimaliwa shoka ofamili ya Visagie ya hala okugandja ku Eiseb itashi vulu okufuta ohauto ye, Tait ta popi.Visagie ota kala mondholongo omimvo 12 moshipotha sheyugo, nomimvo ne moshipotha shekwatombambyona.Oomwedhi hamano ndhoka a pewa moshipotha shuuhasha nelongitho lyombistoli otadhi endele pamwe nomimvo hetatu ndhoka a pewa moshipotha shehanagulo lyeliko.Ngaashi naanaa sha tothwa mo mOveta yi na sha nEyako lyiihauto (Motor Vehicle Theft Act) ombapila ya Visagie yokuhinga otayi kuthwa oonkondo uule womimvo 24.Okwa kuthilwako omimvo hetatu ye a kale ina uvikila sha muule womimvo ntano tadhi ka landula.Momasiku 12 ga Januali omumvo gwa zi ko, Visagie okwa li a pula Santelle Garces opo aniwa e mu fale kohauto ye ndjoka ya li ya pwa omahooli.Omanga ngaa aniwa ye li mondjila moka, Visagie okwa ulike omukiintu nguka ombele nokumulombwela a thikame.Meme Garces okwa li pamwe nokanona ke okamati.Okwa manga omukiintu nguka eta hingi naanaa ohauto ye yo BMW sigo okoDune 7.Aniwa omutamanekwa pamwe na Visagie gwedhina Roedolf Carstens okwe ya ndjoina hoka.Visagie ta hokolola ngeyi mOmpangu kutya oye mu thiminike nee pamwe opo Garces a ye kombuta yohauto ya Carstens.Otaku popiwa kutya aalumentu ayehe mboka yaali oya li ya hila iingangamithi (cocane) pethimbo ndyoka.Oya li ya ngwangwana na kaya li nokuli taya vulu okutsikila nopulanda yawo ndjoka ya li aniwa yokulanditha po ohauto ndjoka yo BMW yomukulukadhi.Visagie okwa gandja uumbangi mOmpangu kutya oya li ya pumbwa oshimaliwa tagu pu mo.Nando nee Visagie ina gandja efatululo lya yela kutya omolwashike ya li ya pumbwa oshimaliwa shoka, oonzo dhimwe hoka odha popi ngeyi kutya oya li ya hala okukafuta oongunga dha nakulanditha iingangamithi.Onzo tayi hokolola ngeyi kutya aalumentu mboka oya pewa omukanda tagu ya ningile omatilitho kombinga yoongunga dhiingangamithi ndhoka ye na.Oya hingi aniwa etaya helula okamatyona ka Garces mondoolopa omanga inaya ya kegumbo lya Visagie hoka ya ka tula omukiintu nguka mokila.Oya zimo aniwa megumbo moka etaya yi.Pahokololo lya Visagie ooshapi dhoBMW oye dhi pe omumati gwa mumwayina ngoka ekedhi gandja komusamane gwa Garces.Lwopokati mpoka Garces okwe shi pondola okwiiwewa mo mokila moka ta fadhukapo noku ka konga ekwatho.Easiku lya landula Visagie okwa futu omuhingi gwotaxi, Friederich Awa-Eiseb, opo e mu fale kohauto ye ndjoka yali natango ya paakinga konima ya Meersig.Pahokololo lya Visagie, aniwa omuhingi gwotaxi okwa kutha ondjila ya puka noontamanana odha tukuka.Visagie okwa lombwele omuhingi gwotaxi a thikame, ta kutha ombistoli e tu umbu uukitha kuye hoka.Omuhingi gwotaxi okwa fadhukapo omanga Visagie ta tomeke ohauto ndjoka omulilo.Visagie okwa hokolola ngeyi kutya okwa kutha ondjembo ndjoka po Narraville ashike ke na ombapila yayo.Aalumentu ayehe mboka yaali oya dhitikwa momasiku 14 Januali 2004.Visagie okwa zimine ondjo ye miipotha ayihe mbika iyali.Duard Kesslau ngoka e li omunaveta gwa Visagie moshipotha shika, okwa popi ngeyi kutya kastoma gwe omunona natango, naishewe kapu na ngoka a ehamekelwa miiningwanima mbika, noshikwawo osho shoka kutya Visagie okwa li kohi yiingangamithi.Okwa pula kutya Visagie na pewe egeelo lya yeleka molwashoka Carstens ngoka a li oye omutse omunene moshinima shika okwa li a pewa obooloha omanga Visagie a kala konima yekumba okuza kesiku tuu ndyoka ya dhitikwa.Ofamili ya Visagie oye shi pondola okugongela oshimaliwa shoondola/N$8 000 shoka ya hala yeshifute Eiseb.Nando ongaaka Omutamaneki Tania Tait okwa yamukula ngeyi kutya Visagie ina pewa obooloha molwashoka okwa li a hala okwiiyaka metonatelo lyOpolisi.Ta ti omuntu gwomimvo dhi thike mpoka oku na kuulika omaihumbato ge li nawa.Ta ti wo ngeyi kutya uufuthi ouli oshiponga oshinene ngele nani oto yaka omuntu mwa taalelathana naye oshipala noshipala.Otaxi ndjoka oyo owala ya li osheeti shiiyemo mondjato ya Eiseb noshimaliwa shoka ofamili ya Visagie ya hala okugandja ku Eiseb itashi vulu okufuta ohauto ye, Tait ta popi.Visagie ota kala mondholongo omimvo 12 moshipotha sheyugo, nomimvo ne moshipotha shekwatombambyona.Oomwedhi hamano ndhoka a pewa moshipotha shuuhasha nelongitho lyombistoli otadhi endele pamwe nomimvo hetatu ndhoka a pewa moshipotha shehanagulo lyeliko.Ngaashi naanaa sha tothwa mo mOveta yi na sha nEyako lyiihauto (Motor Vehicle Theft Act) ombapila ya Visagie yokuhinga otayi kuthwa oonkondo uule womimvo 24.