OMUNIILONGA mOkila pOshipangelo sha Karasburg okwa li a kwatwa po manga ashike ku na omasiku okuya moshituthi sha Krismesa, sho aniwa a lala omudhimba. Omulumentu nguka Ivan Hendriks, okwa li a tindilwa ombooloha moshipotha shekwatonkonga shoka a ningilwa. Otaku popiwa kutya omudhimba nguka ogwomukiintu, ngoka a li a hulitha sho ohauto yOpolisi yi idhenge mohauto moka a li ong’mufaalelwa momasiku 20 ga Desemba. Okwa ka hulithila nee kOshipangelo.
Ota ku popiwa kutya omudhimba gwomukiintu nguka ogwa li gwi itsuwa momasiku gu li polupanda mOkila, pooha dhago pu na ookondoma dha longithwa.Oosekuriti oya li aniwa ya popi kutya Hendriks, ngoka oye a li miilonga uusiku mboka okwa li aniwa e ya kiilonga a kolwa, ta ti kutya okwa hala okuya mOkila.Okwa li a kwatwa po uusiku woshiningwanima shika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
