Gumwe a kwatwa nepangwe olindji

OPOLISI ya Hangwena oya kwata omulumentu gOmunamibia nepangwe lyookilograma omilongohetatu lyongushu yOoN$43,290, a kwatelwa pOshikango mondoolopa ya Helao Nafidi mOshitopolwa sha Hangwena moka mEtitano ndika lya zi ko, Omupopiliko gwOpolisi ya Hangwena Shisaande.

Abner Kaume Iitumba ta ti ngawo ohela okuzilila kombelewa yemEenhana.
Shisaande Iitumba ta ti kutya omulumentu ngoka, taku tengenekwa a za kOshitopolwa sha Kavango, okwa adhika noshako yEpangwe yOokilograma omilongontano (50Kg) noshowo yimwe yOokilograma omilongondatu (30Kg) nayo yEpangwe. Elalakano lye, Shisaande Iitumba ta ti, olya li lyokulanditha po Epangwe ndyoka.
Epangwe lyolyene otali vihi Ookilograma 14, 43Kg, nongushu yalyo ngele oto li landitha po oshimaliwa oyi li pOondola/N$43,290 mpoka.Shisaande Iitumba ota ti kutya ohaya kwata olundji aantu nomapangwe pOshikango mpoka, unene haga zilile ombululu ya Angola, ashike nee ndika ya kwata mEtitano olya zilila ombululu ya Kavango.
Iitumba ota ti kutya osha yela kutya mOshikango omu na nani omalandelo ge li nawa gEpangwe, oshoka omo hamu kwatwa omapangwe ogendji nolundji kOpolisi.
Nakukwatwa mEtitano nEpangwe ndika, Shisaande Iitumba ota ti kutya oye
Munika Nduhe gwoomvula 39. Nduhe okwa holokele ohela meti 8 Juni 2009 mOmpangu ya Mangestrata pOhangwena noshipotha she shika shokwaadhika nEpangwe lyoundji wu thike mpoka nongushu yi thike mpoka.
Ina pulwa a tye sha manga noshipotha she oshuundulilwa keti 6 Auguste 2009 omolu omakonaakono gOpolisi.Epangwe oshinima sha kelelwa molwashoka oshingangamithi tashi vulu okuyona po oshigwana, unene tuu aagundjuka yoshilongo mboka ye li aawiliki yokomongula, oshoka oyo naanaa ye hole oku li nwa, naamboka haye li nu, ano haye li longitha, ngele owe ya adha ye li nwa nawa, oya fa ashike omuntu ta yi oompwengu.Opolisi kumwe naaleli ayehe yopashigwana naamboka wo yOpolotika otaya uhala taya komo nokwiindila koshigwana shaa longithe we iingangamithi
yomapan gwe nosho tuu, ashike kemanya kuza wo ontsi.