Gumwe a dhengwa nayi koombotsotso

OPOLSI yomOshakati otayi konaakona oshiningwanima moka omukalimo gwomOshakati gwoomvula 45 tate Ferdinand Pohamba Nghitete ongula onene yEtine lya zi ko a ponokelwa koombotsotso ntano megumbo lye mUupindi mOshakati ndele tadhi mu ehameke nayi nokuya nOselefona ye noshowo Oondola/N$350 dhe.

Pohamba nguka okwa dhengwa nayi olutu aluhe, unene tuu momutse moka a dhengwa noshitenda noshowo komaako nokomagulu. Ta ti aamentu mboka oya li lela ya hala oku mu dhipaga.Opolisi otaku tiwa kutya oya kwata po omulumentu gumwe, shi na sha ngeno noshiningwanima shika, ashike omulumentu nguka aniwa ota ti kutya ye haye a dhenga Pohamba.Pohamba ota ti kutya ongula onene yEtine lya zi ko, manga a lala a kotha okwa pendulwa komainyango gaantu taya ngwalungundja lwokomakende gositola yawo yi li kumwe netungo lyegumbo lyawo. A ka mone ya ya meni lyOsitola noya kala nee taya kondjitha ya patulule eshina lyiimaliwa. Manga ngaa ngeno e li po ta konaakona, okuuvite omweelo gwokuya mondunda ye tagu thangwa po kaantu. Taya thanga sigo ta ye gu teya po nokuya meni monduna ye. Ngoka e ya mo tango, e na ondjembo yombistoli, okwe mu lombwele kutya i niinyenga nande noye mu ponokele ta ye mu dhenge. Pohamba ta ti, oyi ikwata naangoka e na ondjembo. Taya kala taya kondjele ondjembo nokwe shi pondola e yi kuthe ko komentu ngoka noku yi ekelahi kokule kashona hoka ya kala kaye yi wete we. Oya tsikile nee taya kondjo sigo taya yi pondje mpoka aamentu ayehe ye mu tula pokati noku mu dhenga noonkondo. Pohamba ta ti, gumwe okwa kutha oshitenda lwaampoka noku mu dhenga nasho momutse ndele ta gwile po ke na we oonkondo. Manga nee taye mu dhenge ngawo, ando nelalakano lyoku mu dhipaga, omumati gumwe gwaandjawo okwe ya po e na ekatana nokutameka wo ta lwitha aamentu mboka nelalakano ya ethe oku mu dhenga. Osha fa nee shi li ngeyi kutya ngoka a li nekatana okwa hahala gumwe gwomuyo kokutsi noku ehameka ngoka kokutsi, a fa nokuli e ku teta ko kashona. Okuza mpoka aamentu mboka oya fadhuka po, na Pohamba namukwawo oya lopotele Opolisi ndjoka ye ya meendelelo nokuninga ekonaakono. Okuza ashike lwaampoka, Opolisi oyiitsu momuntu a holama moshihwa, ta zi ombinzi kokutsi, kwa fa kwa tetwa ko nokuli, noye mu kwata. Pohamba nomentu ngoka oya falwa koshipangelo shEpangelo sha Shakati hoka ya ka pangwa. Pohamba ota ti kutya omentu ngoka oye naanaa ngoka ae ya mondunda ye tango nondjembo nokwe mu dhenga wo noonkondo, ashike aniwa ngoka ota ti kutya haye a li pondunda yawo. Ta ti ye oya li taya kondjo nomentu gumwe lwopEhawalo muupindi. Ya li aniw ataya kondjele okakadhona.Omulumentu nguka, gwedhina inatu li pewa natango, okwa holokele mompangu ya Mangestrata mOshakati Omaandaha ga zi ko shi na sha noshiningwanima shika shokwiiteyela mondunda ya Pohamba noku mu dhenga nayi ngawo. Opolisi oyi na wo nondjembo ndjoka, Pohamba ta ti, oya li kugumwe gwomaamentu mboka ye mu ponokela.Pohamba oku li a geya noonkondo koshinima shika shoku mu ponokela nota indile kOveta yi longe mo nawa oshinima shika nokukwata ayehe mboka ye shi ninga ndele taya mono egeelo lye ya gwana noli kale wo oshiholelwa nelongo kwaayehe ya hala ya ka ninge oshinima nenge iinima yatya ngeyi yokuyeya noshowo okuyaka kwahomatiwa , okudhenga, okukembadhala okudhipaga nokudhipaga.’Ondi wete tse aakwashigwana otu na okukala tu li megameno lyokupopya nokwiinyenga, ashike nani ngele osho shi li ngeyi katu na we uuthemba mboka, nEpangelo oli na okuninga po sha sha kwata miiti shoka tashi kaleke ishewe oshigwana shi uvite shi li megameno,’ Pohamba ta ti ngawo nokuyelitha kutya oshinima shika a ningilwa ote ke shi lopota wo nkElelo lyOshilongo shUukwambi opo nalyo li ungaunge nashomuule nokumweneka ookalyamupombo mbaka ya ethe po okudhenga nokudhipaga oshigwana shaa na ondjo yasha.