Guebuza a hogololulwa nomawi ogendji moMozambique

OMUPERESIDENDE gwa Mozambique, Armando Guebuza okwa sindana momahogololo guuperesidende woshilongo shoka nomawi ogendji.

Pahapu dhaanambelewa yomahogololo omusamane Guebuza okwa mono ooperesenda 75 dhomawi.’žOkomisi yomahogololo yopashigwana oya tseyitha kutya, Armando Emilio Guebuza okwa hogololulwa omuperesidende gwoRepublica ya Mozambique uule woomvula ntano ishewe,’omukuluntu gwOkomisi ndjika, Joao Leopoldo da Costa okwa lombwele aatolinkundana konima yomahogololo go 28 Kotoba nuumvo.Momahogololo gegumbo lyokutota oompango ongundu ya Guebuza yo, Frelimo ,oya indjipaleke iipundi ya yo oku za piipundi 160 sigo opiipundi 190 megumbo lyiipundi ayihe kumwe 250.Ethigathano molwa ehala etiyali, unene tuu sho ongundu yompilameno ya tanduka miimpambu iyali, ehala ndika olya yi na Afonso Dhlakama omukondjithi gwepangelo nale gwehangano lyoRenamo, ngoka a mono ooperesenda 16, 5 dho mawi.Daviz Simango omutoti gwoshimpaga sha zi moRenamo shedhina Democratic Movement of Mozambique (MDM) oku li pehala etitatu sho a mono iitsa yooperesenda 8,6. Ongundu ndjika ompe oya mono ashike iipundi ihetatu okuyeleka niipundi 51 mbyoka ya monika ku Renamo.Omahogololo ga Mozambique gomo 28 Kotoba ogo omahogololo omatine okuza sho iita yopashigwana ya hulu konima yoomvula 16 pokati ka Renamo na Frelimo, naashika osha landulwa kedhikopo lyuudemokoli woongundu odhindji mo 1994.Omuperesidende, Jacob Zuma gwa South Africa okwa halele Guebuza ompolo sho oshigwana she, she muhogololula a kale omuwiliki gwasho. Okwa ti ekwatathano pokati kiilongo mbika iyali ita li pewathanwa.Zuma okwa ti okwa hala omakwatathano ngaka ga tsikile nokukola nopethimbo lyoomvula ntano oontiyali dha Guebuza ongo omuleli gwa Mozambique.