Goraseb na tulwe pevi: Aaranos

AAKALIMO yamwe yomokamukundandoolopa ka Aranos moshitopolwa sha Hardap oya li ya ningi ehololomadhiladhilo mEtine lyoshiwike shika, taya indile kutya Omunambelewa omukuluntu gwa Aranos, Niklaas Patrick Goraseb na tulwe pevi, opo ku ningwe omakonakono kombinga yiinima mbyoka ta popilwa.Goraseb ota popilwa iilonga yokoraputo, elongithonayi lyoshimaliwa shElelo lyondoolopa,iilonga ya nkundipala nuukwamuhoko.

Aantu mbaka oya hala wo Goraseb a ningilwa iipotha. Omupopiliko gwawo Jeremia van Neel okwa lombwele The Namibian kutya ombapila yawo yomanyenyeto oye tu gandja kOminista yOmapangelo gOpaitopolwa nOmagumbo, Jerry Ekandjo nosho wo kOmunashipundi gwElelo lyoshtopolwa ja Hardap, Sophia Jacobs. Aahololimadhiladhilo mbaka ya holola oyuuvitile wo nayi omalundululo ngoka ga ningwa maakalelipo yo Swapo mElelo lya Aranos, tayi kutya Ombelewa ya Amushanga-Ndjay gwo Swapo, Pendukeni Iivula-Ithana oya longithanayi oonkondo dhayo sho ya pingenapo aantu mboka ya li ye li pombanda molista yopaati momahogololo ga Novemba naantu yalwe.Jacobs, Jonas Oarum, Jacqueline Pauljan na Petelina Kandima Mwetueka, oya li ya pingenwa po ku Hans Baffrat, Benjamin Rooi, esme Isaacks and Saara Uatama mElelo lyoshitopolwa.