Gobabeb a dhengwa kombepo

O SHIKUNGULU shi li mumwe nombepo onene oya fugula ko iipeleki komatungo gopOsenda yOmailongo ge na sha negameno lyuuntshitwe yedhina Gobabeb Research Training Centre mOsoondaha.

Osenda ya Gobabeb oyi li konyala ookilometa 80 lwaampoka kuuzilo wa Mbaye. Menindjela gwOsenda ya Gobabeb Albertus Visser okwa ti oshikungulu shika oshe ya talelepo omutenya gwOsoondaha.Ekuthikuthi enene lyontsi nevi ndyoka lya li tali endelele noonkondo olya dhenge Osenda ndjika.”Otwa li twa kambadhala okweedhila nokusiikila shoka ta tu vulu, ombepo oya li tayi endelele noonkondo,” Visser ta popi ngaaka.Okwa ti ombepo ndjika ya li wo yi na omamanya, oya umbu ko oombuli dhomatango gopOsenda nosho wo ya yonagula iilongitho yokumeta onkalo yombepo.Ombepo ndjika oya li nee ya landulwa komvula ndjoka ya dhenge omata goomilimeta 20 pOsenda ndjika.Omuniilonga gumwe pOsenda ndjika John Guitta okwa ti omvula ndjika oya li ya loko uule wominute 30 lwaampoka, e tayi ka landulwa natango komata galwe ngoka ga loko omalupita nomalupita.Kakele kaaniilonga pu Gobabeb ye li 14, oshikungulu shika osha li wo sha halutha aalongwa ye li aatalelipo mboka taya ilongele iikwapolitika ya za ko Spain.Elago enene, kapu na ngoka a li a ehamekwa.Menindjela gwOsenda ya Gobabeb Albertus Visser okwa ti oshikungulu shika oshe ya talelepo omutenya gwOsoondaha.Ekuthikuthi enene lyontsi nevi ndyoka lya li tali endelele noonkondo olya dhenge Osenda ndjika.”Otwa li twa kambadhala okweedhila nokusiikila shoka ta tu vulu, ombepo oya li tayi endelele noonkondo,” Visser ta popi ngaaka.Okwa ti ombepo ndjika ya li wo yi na omamanya, oya umbu ko oombuli dhomatango gopOsenda nosho wo ya yonagula iilongitho yokumeta onkalo yombepo.Ombepo ndjika oya li nee ya landulwa komvula ndjoka ya dhenge omata goomilimeta 20 pOsenda ndjika.Omuniilonga gumwe pOsenda ndjika John Guitta okwa ti omvula ndjika oya li ya loko uule wominute 30 lwaampoka, e tayi ka landulwa natango komata galwe ngoka ga loko omalupita nomalupita.Kakele kaaniilonga pu Gobabeb ye li 14, oshikungulu shika osha li wo sha halutha aalongwa ye li aatalelipo mboka taya ilongele iikwapolitika ya za ko Spain.Elago enene, kapu na ngoka a li a ehamekwa.