Geingob nosheendo koAngol

MINISTA Yiipindi noofabulika, Hage Geingob ota ka kwatela osheendo shaanangeshefa metalelopo lyuunangeshefa koAngola omwedhi tuuka.

Geingob ota ka enda pamwe nOmuperesidende Gwondunda hangano yiipindi noofabulika ya Namibia[NCCI], Martha Namundjebo Tilahun okuza omasiku 4 sigo 8 ga Juli nuumvo. Olweendo nduka ota lu ningwa kehiyo lyoholomende yAngola.Olweendo ota lu kwata iilando yili ine okutameka mo Luanda, omanga inaashi ya ko Lubango, Menongue nOndjiva. Olweendo ota lu ka tala kiikondo shuunamiti, elongo, uunamapya, oonkondo, omakwatathano pangodhi, iikwamina omatalelopo nomatungo. Aahambudhi mboka yahala oku landitha iinima yawo moAngola na yo ota ya tsuwa omukumo ya ninge oshitopolwa sholweendo nduka.Omukuluntu pitithi gwa NCCI, Tarah Shaanika okwa hiya aanangeshefa mboka ya hala oku ninga oshitopolwa sholweendo nduka ya indile oku ya mosheendo shika oku shiika oompito oombwanawa ndhoka tadhi monika moAngola. Mboka ye na ehalo naya kwatathane noombelewa dhoNCCI.