Geingob a indilwa a tale neho etiligane aanangeshefa yaakwiilongo

O NGUNDU onene yaanangeshefa yokoNooli mOlyomakaya ga zi ko oya ningile oshigongi shopaulumompumbwe nOministeli yIipindi nIikwafaabulika Omundohotola Hage Geingob shi na sha nethindilokongudhi lyAanangeshefa aavalelwamo kaanangeshefa yaakwiilongo, unene tuu yAakiina nAaindia nosho wo yAandowishi kombinga yimwe ngashi ndjoka yomavi.

Aanangeshefa mbaka, mombapila yawo yomanyenyeto, ndjoka ya leshwa kOmunashipundi manga gwEhangano lyAanangeshefa kOnOoli, Josef Kapya Endjala, taya indile Geingob kumwe nEpangelo ya ye mo oonyala moshinima shika meendelelo ngashi tashi vulika. Taya ti kutya Oveta yi na sha nAanangeshefa yAakwiilongo mboka ya hala okuya okuninga ongeshefa moNamibia kayi li nawa nande, unene tuu mOkatendo okatitatu okashona okatine 3(4).Taya ti uutendo wumwe mboka nau talululwe ndele tau lundululwa omoluuwanawa waanangeshefa aavalelwamo, oshoka otau ethele unene omeya mondunda uuna tashi ya kuuthemba waanangeshefa yaazaizai okuya ya ngeshefe moNamibia.Taya ti kutya nonando moNamibia mu na omulandu gwiIpindi ya manguluka, aanangeshefa yaavalelwamo otaya lyatelwa pevi unene kwaamboka yaazaizai, oshoka mboka yopondje ohaye ya niimaliwa ye yi pewa kiilongo, ano kOmapangelo gawo nokuya nee ya dhipage po nayo oongeshefa dhaavalelwamo, ngashi sha tameka nale nokuli.Taya ti kutya Namibia oshilongo oshiyamba, ashike oshi na aantu oyendji ya hepa, aathigona noshi li nee tashi kumitha aantu nuuyuni kutya omolwashike Namibia omuyamba moon zo dhe, ihe aakalimo oyendji lela oya hepa, kaye na iilonga na kaya mo nagawo iiyemo yasha.Aanangeshefa taya lombwele Minista Geingob kutya, kashi li nande pauyuki okweetha Aanangeshefa aanene yopondje yee moNamibia nokutameka taya shingitha, ano taya landitha iinima kooshimwe ngashi mboka yaavalelwamo, yo wo taya landa ko omahala meni lya Namibia inaya tula kumwe nande onOmunamibia gumwe.”Ongiini aakwiilongo tayi imonene omahala meni lya Namibia, omanga oyendji yomAanamibia kaye na evi nomahala gokukala.Epangelo lyetu ongiini tali tala ashike koshimaliwa shaazaizai nokudhimbwa po oshigwana shalyo tashi hepa nokuthigonopala nayinayi ngeyi nonando shi li moshilongo oshiyamba? Taya pula ngawo nokwiindila Uuministeli wIipindi nIikwafaabulika wu tale po nawa mpoka nokutula nawa mondjila mbyoka yeendeka, unene Ooveta ndhoka inadhi ihwapo nawa nani dhi endukululwe nodhi tulwe mondjila nomomukanka ngoka tagu opalele nogi li pauwanawa wowene yoshilongo, ano wAanamibia.Aanangeshefa taya indile kOminista Geingob kutya Uutendo mboka itau opalele we, wu lundululwe meendelelo ngashi tashi vulika, ngeno nokuli manga omwedhi tagu ya Auguste inagu sa.Taya indile wo kutya oshinima shootendera shi talululwe noshi tulwe ponkatu mpoka Aanamibia, ano aavalelwa mo taya mono mo uuwanawa.Taya ti pu tulwe Oomiliyuna 30 dhi kwathele Aanamibia mokumona Ootendela opo oshigwana unene tuu shoka oshigundjuka shi mone iilonga, yo wo iimaliwa yi pungulwe moshilongo pehala lyokukuthwa mo kaakwiilongo pu na omuposi ngeyi.Aanangeshefa taya indile kutya oshinima shi na sha nomavi nashi ningilwe oshigongi mu Septemba nuumvo (2008) naayehe ya gumwa koshinima shika ya ka kuthe ombinga nawanawa nokutula po omilandu ndhoka dhi na okulandulwa.Aanangeshefa mbaka taya indile ku Minista Geingob a tule po omukalo gwoonkundathana miinima ya pamba uunangeshefa moshilongo moka aanangeshefa taya vulu okuya kokukundathana iinima ye yabpamba noshowo omaudhigu ye ga na nokutula pom omathanekeo taga opelele.Mokuyamukula mo, Geingob okwa ti kutya okwa uva ko nawa omanyenyeto gaanangeshefa.Ta ti inaya tya kutya pamwe kage shiwike nale kUuministeli nokEpangelo.”Oge shi wike noge li tatu ungaunga nago.Unene tuu tatu kundathana nOombelewa Oonkalelipo dhaanangeshefa mboka tamu popi , unene yAachina,” Geingob ta ti ye nomupeha gwe aape mUuministeli mbuka.”Yakwetu opo ngaa tatu ende tatu ilongo Uuministeli mbuka, na kashi shi oshipu nande okulundulula shoka shi na okulundululwa nuupu, oshoka tse atuhe aape mUuministeli mbuka,” Geingob ta ti ngaaka.Ta ti pethimbo lyekondjelomanguluko lya Namibia, kutya Namibia okwa li ngaa nookuume ke, oohailwa ye mboka ya kala ye na uukwawowanakali naye nokukala taye mu kwathele, moka wo mwa kwatelwa nAkiina.”Tu dhengeni ngaa tatu fuudhileni,” Minsita ta kumagidha.Ta indile kaanangeshefa ya longithe ompito ndjoka yoonkundathana dhopambili, pehala lyokulongitha oonkondo, oshoka elongitho lyoonkondo itali ka tunga oshilongo, ihe otali i shi teya po ashike.Ta ti wo kutya inaya etha ya nwethwe mo kaakwiilongo yamwe mboka ya tsila ondumba ekalomo lyaanangeshefa nenge lyaakwiilongo yakwawo yalwe moNamibia.Taya ti kutya Oveta yi na sha nAanangeshefa yAakwiilongo mboka ya hala okuya okuninga ongeshefa moNamibia kayi li nawa nande, unene tuu mOkatendo okatitatu okashona okatine 3(4).Taya ti uutendo wumwe mboka nau talululwe ndele tau lundululwa omoluuwanawa waanangeshefa aavalelwamo, oshoka otau ethele unene omeya mondunda uuna tashi ya kuuthemba waanangeshefa yaazaizai okuya ya ngeshefe moNamibia.Taya ti kutya nonando moNamibia mu na omulandu gwiIpindi ya manguluka, aanangeshefa yaavalelwamo otaya lyatelwa pevi unene kwaamboka yaazaizai, oshoka mboka yopondje ohaye ya niimaliwa ye yi pewa kiilongo, ano kOmapangelo gawo nokuya nee ya dhipage po nayo oongeshefa dhaavalelwamo, ngashi sha tameka nale nokuli.Taya ti kutya Namibia oshilongo oshiyamba, ashike oshi na aantu oyendji ya hepa, aathigona noshi li nee tashi kumitha aantu nuuyuni kutya omolwashike Namibia omuyamba moon zo dhe, ihe aakalimo oyendji lela oya hepa, kaye na iilonga na kaya mo nagawo iiyemo yasha.Aanangeshefa taya lombwele Minista Geingob kutya, kashi li nande pauyuki okweetha Aanangeshefa aanene yopondje yee moNamibia nokutameka taya shingitha, ano taya landitha iinima kooshimwe ngashi mboka yaavalelwamo, yo wo taya landa ko omahala meni lya Namibia inaya tula kumwe nande onOmunamibia gumwe.”Ongiini aakwiilongo tayi imonene omahala meni lya Namibia, omanga oyendji yomAanamibia kaye na evi nomahala gokukala.Epangelo lyetu ongiini tali tala ashike koshimaliwa shaazaizai nokudhimbwa po oshigwana shalyo tashi hepa nokuthigonopala nayinayi ngeyi nonando shi li moshilongo oshiyamba? Taya pula ngawo nokwiindila Uuministeli wIipindi nIikwafaabulika wu tale po nawa mpoka nokutula nawa mondjila mbyoka yeendeka, unene Ooveta ndhoka inadhi ihwapo nawa nani dhi endukululwe nodhi tulwe mondjila nomomukanka ngoka tagu opalele nogi li pauwanawa wowene yoshilongo, ano wAanamibia.Aanangeshefa taya indile kOminista Geingob kutya Uutendo mboka itau opalele we, wu lundululwe meendelelo ngashi tashi vulika, ngeno nokuli manga omwedhi tagu ya Auguste inagu sa.Taya indile wo kutya oshinima shootendera shi talululwe noshi tulwe ponkatu mpoka Aanamibia, ano aavalelwa mo taya mono mo uuwanawa.Taya ti pu tulwe Oomiliyuna 30 dhi kwathele Aanamibia mokumona Ootendela opo oshigwana unene tuu shoka oshigundjuka shi mone iilonga, yo wo iimaliwa yi pungulwe moshilongo pehala lyokukuthwa mo kaakwiilongo pu na omuposi ngeyi.Aanangeshefa taya indile kutya oshinima shi na sha nomavi nashi ningilwe oshigongi mu Septemba nuumvo (2008) naayehe ya gumwa koshinima shika ya ka kuthe ombinga nawanawa nokutula po omilandu ndhoka dhi na okulandulwa.Aanangeshefa mbaka taya indile ku Minista Geingob a tule po omukalo gwoonkundathana miinima ya pamba uunangeshefa moshilongo moka aanangeshefa taya vulu okuya kokukundathana iinima ye yabpamba noshowo omaudhigu ye ga na nokutula pom omathanekeo taga opelele.Mokuyamukula mo, Geingob okwa ti kutya okwa uva ko nawa omanyenyeto gaanangeshefa.Ta ti inaya tya kutya pamwe kage shiwike nale kUuministeli nokEpangelo.”Oge shi wike noge li tatu ungaunga nago.Unene tuu tatu kundathana nOombelewa Oonkalelipo dhaanangeshefa mboka tamu popi , unene yAachina,” Geingob ta ti ye nomupeha gwe aape mUuministeli mbuka.”Yakwetu opo ngaa tatu ende tatu ilongo Uuministeli mbuka, na kashi shi oshipu nande okulundulula shoka shi na okulundululwa nuupu, oshoka tse atuhe aape mUuministeli mbuka,” Geingob ta ti ngaaka. Ta ti pethimbo lyekondjelomanguluko lya Namibia, kutya Namibia okwa li ngaa nookuume ke, oohailwa ye mboka ya kala ye na uukwawowanakali naye nokukala taye mu kwathele, moka wo mwa kwatelwa nAkiina.”Tu dhengeni ngaa tatu fuudhileni,” Minsita ta kumagidha.Ta indile kaanangeshefa ya longithe ompito ndjoka yoonkundathana dhopambili, pehala lyokulongitha oonkondo, oshoka elongitho lyoonkondo itali ka tunga oshilongo, ihe otali i shi teya po ashike.Ta ti wo kutya inaya etha ya nwethwe mo kaakwiilongo yamwe mboka ya tsila ondumba ekalomo lyaanangeshefa nenge lyaakwiilongo yakwawo yalwe moNamibia.