OSHILYO oshikuluntu shehangano lyatseyimpango lyedhina Society of Advovates of Namibia, Harald Geier okwa ulikwa a ninge omupanguli gwOmpangu yopombanda ya Namibia.
Omutse gwoshilongo, Hifikepunye Pohamba okwa ulike Geier omupanguli mohofa yopombanda, pamayele gOkomissi yiipambele yuuyuki. Geier okwa tameke iilonga yuupanguli mompangu ndjoka okuza mesiku 1 lya Apilili nuumvo. Geier okwa kala omutseyiveta noshilyo sha Society of Advocates of Namibia okuza omumvo 1990, na okwa li woo omuperesidende gwa Law Society of Namibia. Okwa li woo a longo ethimbo ongo omupanguli ta kwathele mohofa yopombanda mu February nuumvo noshowo ethimbo lyoomwedhi ndatu omumvo gwayi, okwa longele oshilonga sha z uule woomwedhi mbali netata omumvo 2010. Geier okwa valelwa mo Venduka omumvo 1957 nokwiilongo moVenduka omanga inaaka tsikila eilongo lye miikwaveta niikwampango koUnivesiti ya Rhodes moGrahamstown sha South Africa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
