Gavena ya Nghaamwa na popye oshili, Shailemo ta ti

O MUNAFAALAMA a tseyika nawa gwomOndangwa tate Ismael Shailemo ye oye wo Omunashipundi gwEhangano lyAanafaalama ya Mangetti, ota indile ku Gavena yoshitopolwa sha Hangwena tate Usko Nghaamwa a kale ha popi oshili nokukonaakona iinima omanga ina popya.

Shailemo ota ti kutya Gavena yoshitopolwa sha Hangwena, tate Nghaamwa, meti: 11 Desemba 2007 okwa li a popitha oshigongi shi na sha nUuthemba wOmuntu muuyuni pOnanghulo mOukwanyama mOshitopolwa sha Hangwena moka a ponokele aawiliki yamwe niilyo yongundu ompe opo ya totwa po yoRally for Democracy and Progress (RDP), ta ti kutya oongangala. Tate Shailemo ngoka e li omuyambidhidhi gwa RDP, ota ti kutya esiku ndyoka Gavena Nghaamwa okwe mu ponokele, ta ti kutya aniwa ye (Shailemo) ongangala molwashoka okwa lya po oongombe dhaanafaalama, ndhoka momimvo 1999 no 2000 lwaampoka, e dhi kuthile aanafaalama e ke dhi ya landithile po ko DRC, ndele ko RDC hoka inaku za we nande oshimaliwa shoongombe ndhoka, noongombe nenge onyama yadho inayi galuka ko we hoka, naanafaalama inaya mona po sha.Gavena Nghaamwa, aniwa okwa ti wo kutya nOmudhiginini gwIiniwe gwo Swapo moshikandjo sha Ndobe, Joseph Halweendo, kutya naye ongangala molwashoka okwa mbangolotitha Oprojeka yiilema ya li mEngela omathimbo ga piti.Kombinga nee ye, Shailemo ota ti kutya ye ina lya po onyama yaanafaalama ngashi Nghaamwa ta ti.Shailemo ta ti oshoshili kutya opwa li pwa longekidhwa onyama yaanafaalama yi ka landithwe po ko DRC pethimbo Aakwiita ya Namibia ya li taya gamene Epangelo lyaahoka pethimbo lyiita mbyoka ya li hoka momimvo dha tumbulwa metetekelo.Ta ti onyama ndjoka oyoongombe dhaanafaalama ye li yaheyali mboka pauvathano nEpangelo nonEtanga lyEgameno lya Namibia , ya li ta tokola ya ka landithe po oongombe dhawo, onyama ya wo ko DRC,oshoka okwa li kwa kundanwa kutya okwa pumbiwa onyama yongombe.Ta ti oongombe ndhoka odha dhipagelwa pOkapya kOmangetti.Onyama tayik etwa ko Meatco kOshakati nokupakelwa nawa miipakete kuMeatco mOshakati.Iipakete mbyoka oyindji, mu na onyama oyindji lela, oya falwa kOkamba yAakwiita kOshaanda hoka ya londekwa modhila yaakwiita nokufalwa nee ko DRC, nelalakano yi ka landithwe po nooyenen yadho ya mone oshimaliwa shawo.Shailemo ota ti kutya ye noshowo omusamane Shali Kamati, na Albino Iilovu, oya yile pamwe nonyama ndjoka yi li miipakete nodhila yAakwiita ndjoka noya thiki mo DRC kongulohi esiku ndyoka.Iipakete yonyama mbyoka oya yi naakwiita ya Namibia kehala lyawo, ye ke yi pungule nawa sigo ngeno ootate Shailemo taye yi ile ko ye yi fale komalandithilo.Sho ya yi nayo ngawo, nani oye ke yi lya po, nashi Ootate Shailemo ye ke yi pula ye ke yi fale komalandithilo, oya adha ya liwapo kaakwiita ya Namibia.Oya haluka moku shi uva.Oshinima osha kala nee moonkundathana pokati kEpangelo lya Namibia nAanafaalama, sigo taku kaningwaetokolo kOmbelewa ya Hahendendjayi gwEpangelo kutya Uuministeli wAakwiita nau fute onyama yAanafaalama ndjoka ya lya po.Uuministeli owa zimine naanafaalama oya futwa.Ashike inaya futwa kwali iimaliwa yiihwapo, sha zi ngaa moonkundathana nomeuvathano pokati kEpangelo nAanafaalama.Tate Shailemo,okwa ti kutya opwa kala omunafaalama gumwe awike ngoka a ti kutya, ye ina hala okupewa ko oshipambu shiimaliwa yonyama ye, okwa hala okupewa iimaliwa ye ayihe yiihwapo yongombe ye nenge yoongombe dhe ndhoka a dhipagele noku gandja onyama yi ka kalandithwe ko DRC ethimbo ndyoka.”Epangelo oli shi oshinima shoka,”tate Shailemo ta ti ngawo.”Kokutya Shailemo oye a lya po oongombe dhaanafaalama mboka, na oku li ongangala, ngashi tashi popiwa montaneho ku Gavena ya Hangwena miigongi te yi ningi, oshinima shi li oluhindo olunene nelundilo enene kungaye.Onkee otandi indile Gavena Nghaamwa a galulule elaka lye ndyoka lyokutya Shailemo ongangala molwashoka okwa lya po oongombe dhaanafaalama.Oongombe ndhoka odha liwa po kAakwiita yEtanga lyEgameno lya Namibia mboka ya li ko DRC pethimbo ndjoka.Ya gandja nale ombili kaanafaalama noya futa nale iiamliwa yawo wo, noya dhiminwa po kaanafaalama.Tate Shailemo ngoka e li omuyambidhidhi gwa RDP, ota ti kutya esiku ndyoka Gavena Nghaamwa okwe mu ponokele, ta ti kutya aniwa ye (Shailemo) ongangala molwashoka okwa lya po oongombe dhaanafaalama, ndhoka momimvo 1999 no 2000 lwaampoka, e dhi kuthile aanafaalama e ke dhi ya landithile po ko DRC, ndele ko RDC hoka inaku za we nande oshimaliwa shoongombe ndhoka, noongombe nenge onyama yadho inayi galuka ko we hoka, naanafaalama inaya mona po sha.Gavena Nghaamwa, aniwa okwa ti wo kutya nOmudhiginini gwIiniwe gwo Swapo moshikandjo sha Ndobe, Joseph Halweendo, kutya naye ongangala molwashoka okwa mbangolotitha Oprojeka yiilema ya li mEngela omathimbo ga piti.Kombinga nee ye, Shailemo ota ti kutya ye ina lya po onyama yaanafaalama ngashi Nghaamwa ta ti.Shailemo ta ti oshoshili kutya opwa li pwa longekidhwa onyama yaanafaalama yi ka landithwe po ko DRC pethimbo Aakwiita ya Namibia ya li taya gamene Epangelo lyaahoka pethimbo lyiita mbyoka ya li hoka momimvo dha tumbulwa metetekelo.Ta ti onyama ndjoka oyoongombe dhaanafaalama ye li yaheyali mboka pauvathano nEpangelo nonEtanga lyEgameno lya Namibia , ya li ta tokola ya ka landithe po oongombe dhawo, onyama ya wo ko DRC,oshoka okwa li kwa kundanwa kutya okwa pumbiwa onyama yongombe.Ta ti oongombe ndhoka odha dhipagelwa pOkapya kOmangetti.Onyama tayik etwa ko Meatco kOshakati nokupakelwa nawa miipakete kuMeatco mOshakati.Iipakete mbyoka oyindji, mu na onyama oyindji lela, oya falwa kOkamba yAakwiita kOshaanda hoka ya londekwa modhila yaakwiita nokufalwa nee ko DRC, nelalakano yi ka landithwe po nooyenen yadho ya mone oshimaliwa shawo.Shailemo ota ti kutya ye noshowo omusamane Shali Kamati, na Albino Iilovu, oya yile pamwe nonyama ndjoka yi li miipakete nodhila yAakwiita ndjoka noya thiki mo DRC kongulohi esiku ndyoka.Iipakete yonyama mbyoka oya yi naakwiita ya Namibia kehala lyawo, ye ke yi pungule nawa sigo ngeno ootate Shailemo taye yi ile ko ye yi fale komalandithilo.Sho ya yi nayo ngawo, nani oye ke yi lya po, nashi Ootate Shailemo ye ke yi pula ye ke yi fale komalandithilo, oya adha ya liwapo kaakwiita ya Namibia.Oya haluka moku shi uva.Oshinima osha kala nee moonkundathana pokati kEpangelo lya Namibia nAanafaalama, sigo taku kaningwaetokolo kOmbelewa ya Hahendendjayi gwEpangelo kutya Uuministeli wAakwiita nau fute onyama yAanafaalama ndjoka ya lya po.Uuministeli owa zimine naanafaalama oya futwa.Ashike inaya futwa kwali iimaliwa yiihwapo, sha zi ngaa moonkundathana nomeuvathano pokati kEpangelo nAanafaalama.Tate Shailemo,okwa ti kutya opwa kala omunafaalama gumwe awike ngoka a ti kutya, ye ina hala okupewa ko oshipambu shiimaliwa yonyama ye, okwa hala okupewa iimaliwa ye ayihe yiihwapo yongombe ye nenge yoongombe dhe ndhoka a dhipagele noku gandja onyama yi ka kalandithwe ko DRC ethimbo ndyoka.”Epangelo oli shi oshinima shoka,”tate Shailemo ta ti ngawo.”Kokutya Shailemo oye a lya po oongombe dhaanafaalama mboka, na oku li ongangala, ngashi tashi popiwa montaneho ku Gavena ya Hangwena miigongi te yi ningi, oshinima shi li oluhindo olunene nelundilo enene kungaye.Onkee otandi indile Gavena Nghaamwa a galulule elaka lye ndyoka lyokutya Shailemo ongangala molwashoka okwa lya po oongombe dhaanafaalama.Oongombe ndhoka odha liwa po kAakwiita yEtanga lyEgameno lya Namibia mboka ya li ko DRC pethimbo ndjoka.Ya gandja nale ombili kaanafaalama noya futa nale iiamliwa yawo wo, noya dhiminwa po kaanafaalama.