FNB ita gandja we omukuli molw- olusheno lwetango

OMBAANGA yOtango yopashigwana itayi gandja we manga omikuli dholusheno lwetango.

Omuwiliki gwombaanga ndjika ena sha nehumithokomeho, Danny Titus okwa lombwele Othe Namibian kutya ‘omaindilo omape ita ga taambwa we manga. Ota tu longo ashike ngoka twa taamba nale’.Mu Novemba 2008 Ombaanga ndjika oya koleke euvathano Nuuministeli woomina niikwankondo miilonga yelongitho lyoonkondo hadhi tamukululwa, shika osha gandjele oodola oomiliona hamano, molupe lwiimaliwa hayi shunithwa.Iimaliwa mbika oya gandjwa okulongithwa kaantu mboka ya hala oku tula olusheno lwetango momagumbo gawo.Titus okwa ti omikuli odhina okushunithwa muule woomvula ntano kiihohela yooperesenda ndatu okuyeleka nooperesenda 12 ndhoka hadhi futwa pamuthika gwiipindi.Ompito ndjika oya li ya longithwa unene kaanafaalama mboka oyo ya indile opo ya lande oopomba hadhi longo ketango, ndhoka dha li tadhi kotha oodola pokati ko mayuvi 65 000 sigo 120 000.Pethimbo ndika ombaanga oyi na uudhigu naalandithi yiipumbiwa yolusheno lwetango noshikwawo, aaningi yomaindilo ka ya uviteko kutya ngele ya ningi eindilo ombaanga ota yi landula omukalo gwayo okutala kutya mbaka oye a thikama ngiini pakulongitha oshimaliwa, tashi oha ya shunitha tuu oshimaliwa shoka ..hehela, pethimbo lya uvathanwa.