Ewawa lyaagundjuka ka li uviteko Mbuende ta ti

OMUKALELIPO gwa Namibia kIigwana Hangano moNew York okwa kondjitha eindilo opo aniwa a kuthwe oshinakugwanithwa she shuukalelipo. Eindilo ndika, lya ningwa kwamushanga gwewawa lyaagundjuka mongundu yo Swapo, okwe li luku lya zi mokwaatseyasha.

Omundohotola Kaire Mbuende okwa popi ndhika sho a yamukula eindilo lyomundohotlola, Elia Ngurare ngoka a gandja ethaneko kutya Mbuende na ithanweko kiilonga ye omolwaashoka aniwa ina longa nawa.Ewawa lyaagundjuka olya li lya ningi oshigongi shiikundaneki pamwe nondunda hangano yaaniilonga ya Namibia[NUNW] oshiwike sha yi.Mbuende okwa lombwele othe Namibian pangodhi okuza koNew York kutya mboka ta ya pula omutse gwe oye li muuposi kombinga yiilonga mbyoka a longele Namibia kIigwana Hangano.Okwa ti woo omahangano ngoka gaali ka ge na uuyelele wagwana kombinga yoshigwana sha Namibia shoka shi li moNew York nomomudhingoloko.Shoka sha eta opo mbaka ya indile a kuthwe miilonga osho iizemo yomahogololo mbyoka yuulike kutya Swapo okwa mono omawi 24 gomaantu 49 omanga ongundu yoRDP ya mono omawi 22 naangoka ga hupuko oga yi koongundu dhompilameno dhili ndatu.Mbuende okwa ti ye noshowo aanambelewa ina ya pewa, ombedhi molwa ehogololo ndyoka aahogololi mbaka ya ningi.Okwa ti ombelewa ye moNew York oyi na aaniilonga omugoyi aaNamibia. Okwa tsikile ko tati omawi gamwe ogaa Namibia mboka yakala mo New York yamwe yomuyo mboka ina ya galukila koshilongo nkene sha mangulukile. Okwa ulike kutya yamwe yaaNamibia inaya hogolola.Etulo miilonga lya Mbuende mo 2005 olya li ta li kondjithwa kuyamwe moSwapo shoka ta ku tiwa aniwa oku li popepi nomuwiliki gwo RDP, omusamane Hidipo Hamutenya.Mbuende okwa li omupevi gwa Hamutenya pethimbo ya li miilonga yUuministeli wIikwapondje wa Namibia. Oya li ya tidhwa miilonga komukokoliperesidende Sam Nujoma mo 2004.Othe Namibia oya hokololelwa kutya omuperesidende Hifikepunje Pohamba okwa li a gamene etokolo lye okupa Mbuende iilonga mbyoka a ti ye oku uvite ombili kutya Mbuende omuSwapo shil okuudha.Oministeli yiinima yopauperesidende omundohotola Albert Kawana okwa tindi okutya sha kombinga yeindilo lyaagundjuka opo Mbuende a kuthwe iilonga.Kepulo kutya omolwashike inaa ninga iikonga yopuuyelele peha lyoSwapo molwomahogololo ngaka, Mbuende okwa ti ka li a indilwa a popithe oshigongi ando sho Swapo, unene tuu sho kaa pwa li nando oshimwe pethimbo ye a li metalelopo moshilongo.Omutseyipolitika gumwe okwa lombwele oThe Namibian kutya aakalelipo shilongo iilonga yawo okukalepo uuwanawa woshilongo ndele ha ku kalelapo ando uuwanawa wongundu ndjoka ta yi pangele.’Ita ya tegelele Mbuende oye a kale ta ningi iikonga yomahogololo peha lyongundu yoSwapo mo New York’, Omutseyipolitika omukwawo okwa ti aagundjuka ota ya simonona etokolo lyomuperesidende oku hogolola ngoka a hala oku pa iilonga yuukalelipo shilongo, aagandjimayele, noshowo aagandjimayele ya shewa.Aagundjuka oya indile woo opo mu Maalitsa 2010 kutya aagandjimayele yomuperesidende ya kale aaleli yatatu mboka ye mu landula okuza pombanda yongundu.Othe Namibian oya tseyithilwa kutya oshitopolwa shimwe shongundu ka shi nombili unene kombinga yaaniilonga aakuluntu pegumbo lye pangelo noshowo mombelewa yoKabinete mboka ta ku fekelwa aniwa ya fa ya egamena koongundu dhompilameno, na aniwa oha ya gandja omayele gapuka komuperesidende.Okwa kundanekelwe omathimbo ga piti aniwa amushangandjai gwo RDP Jesaya Nyamu a tile pOutapi kutya ongundu ye oya kalelwa po apehe mepangelo nookuli sigo opegumbo lyepangelo. A tile aniwa aakalelipo yo RDP pegumbo lyepangelo oha ya ithanwa aaindjitiki, ndele aantu mbaka oye li mokulonga oshinakugwanithwa shayo. Osho taku tiwa Nyamu a tile.