EU a lombwele Epangelo lya Zim kali kuthe we aantu oofaalama

HARARE – Ehangano lyUukumwe wAaEuropa/European Union (EU) olya ninga eindilo kEpangelo lya Zimbabwe li hulithe po okukutha aantu oofalama.

EU okwa ti shika otashi ka kwathela omatalelpo moshilongo ya yambuke po. ‘Natango ondi wete, ongOkomisi yAaEuropa nehangano lyUukumwe wAaEuropa kutya Epangelo nali hulithe po oshinima shokutho aantu oofalama nOmakuti ga gamenwa,’ Omukuluntuwiliki gwa EU, Xavier Marchal, osho a popi ngaaka omasiku ga zi ko.
‘Kapu na iiyamakuti, kapu na omatalelopo. Onda gandja osheetwapo kutya natu ka talelelpo Save Conservancy noshitopolwa sha Lowveld,’ Marchal ta tsikile ko ngaaka.
Shika okwe shi popi konima yoshigongi shoka a li a ningi nOmupeviprimaminista, Arthur Mutambara poombelewa dhe pu Munhumuta mu Harare. Aagameni yiiyamakutu otaya ti kutya oondjamba omathele odha za mo mu Zimbabwe, dha fadhuka po omadhigago gadho kaayaki yiimakuti.
Marchal okwa ti yo oyi ikwata wo eyo pevi lyiilonga yokulonga osuuka. Muule woomwedhi ndatu dha piti po, mu Zimbabwe omwa kala omakutho ko goofaalama ogendji, nonande ngashiingeyi moshilongo shika omu na Epangelo lyopaukumwe, ndyoka lya etwa mu mu Febuluali nuumvo.
Marchal okwa ti yo oya taamba ko Epangelo lyopaukumwe mu Zimbabwe. ‘Oshi li ehalo lya EU okuya moonkundathana oonene na Zimbabwe,’ Marchal ta popi ngaaka.
Oshikondo shOmatalelopo mu Zimbabwe, omathimbo gamwe osho sha li hashi eta iimaliwa oyindji yopondje yoshilongo, ihe iiyemo okuza moshikondo shika oya ka shuna pevi sho Epangelo lya tameke okukutha ko oofaalama kaatiligane na aatalelopo oya kala we inaya hala okuya komatalelopo koshilongo shika. – ZimOnline