OSINAGOGA shaNakambuda osho shi li pokati kondoolopa yaHangwena nOuhamba wOukwanyama, konyala eekilometa 4 okudja mOhangwena meongalo laNgela, otashi ka hovelwa okutungwa diva, okudja eshi pa ongelwa oshimaliwa omafiku a dja ko, okupitila mosumina ya ningilwe opo.
Otaku tiwa pomudingonoko opo ope na konyala ovakulupe omilongohamano (60) novanhu vamwe omafele ahamano (600) lwaapo.Eongalo ola hala nee okutungila ovanhu vaapo osinagoga. Opo ku monike oimaliwa, ola tokolele li tule ovanhu mondabo. Oolye va monika? OvakwaHamata novakwaKapofi kombinga yimwe, nomufitaongalo Namutewa waHalushu, pamwe novanhu va fikola pOnhofi okudja 1982 fiyo onena. Vo ovaNgela va dimbwa kutya mangha Namutewa ta dalwa, Hamata ote li hongo ovanhu. Efiyafanepo ola li ko mo 22 Juli 2012. Keshe umwe okwa li a yambidida naashi e na,woshimaliwa woshimaliwa. Oihakautu, omatanga, eexuxwa noilya. Ongundu yaHamata naKapofi oya umbile ongalo yeeN$105,000 omanga yaNamutewa naPonhofi va umbile eeN$34,000. Kumwe ayishe oya li N$139,000.Omundohotola Hamata umwe waavo vali meifiyafano eli,okwa pandula uunene ovakwaHamata, ookaume kaye, ovashiinda shaye mwa kwatelwa ava vokomikunda neongalo laye la Ngela, nande vati omufita Namutewa pEngela nOhangwena okwa li a fa eli nyenga po nawa. Odjo ishi kulinekelwa ya diilila mEngela, otai ti etungo otashi dulika li tameke momwedi ou opo oilonga yi kale ya pwa mu Desemba neudo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
