OONDJILA odhindji dhoka dha kwatakanitha iitopolwa oyindji kOnooli yoshilongo, otadhi ka yambulwapo noku tulwa oteya okutameka nuumvo.
Pethimbo a li ta popitha oshigongi oshinene sho Swapo pOhangwena mOlyomakaya, Omupresidente Hifikepunye Pohamba okwa ti kutya omalalakanodhilaadhilo omanene gEpangelo okuyambulapo oshilongo, unene tuu mokukwatakanithika kumwe oondjila.
shikondo sh
‘Ngash nda tumbula nale, etungo lyoondjila otali dhana onkandangala onene mehumokomeho lyoshilongo shetu. Ndika olyo etompelo twa tungitha nokuyambulapo oopate odhindji miitopolwa ayihe 13 yoshilongo shetu,’ Omupresidene t popi ngaaka.
Okwa tsikile ko kutya mOhangwena etungo lyoondjila otali tamekwa nalyo nondjila yaza mEenhana yu uka kElundu ndjoka yili oshitopolwa shondjila ya Rundu-Siko-Nkurenkuru-Elundu. Okwa ti etungo lyondjila ndjika olyo tali dhengwa omuthindo omunene.
Ondjila ndjika okwa tegelelwa yi ka kale yapwa okulongwa mu Desemba 2010.Oondjila oonkwawo dhoka dhili momutengenekwafaneko gwoomvula ndatu ongaashi ondjila yaza kOshakati yu uka kOngenga.
Omaindilo gomahangano ga hala okulonga ondjila ndjika otaga ningwa omumvo ndjika.Ondjila ndjika otayi ka tulwa oteya.
Omakonaakono gokutunga ondjila yaza kEenhana yu uka kOshigambo otaga ningwa omvula ndjika na iilonga yokutunga ondjila ndjika okwa tegelelwa yi ka tamekwe momumvo tagu ya na otayi ka pula oomiliyuna omulongo.
Omakonaakono ngaka otaga ka ningilwa wo ondjila yaKatana nEndola nOnunho.Pohamba okwa tseyitha wo kutya oopate ngaashi yEembahu yu uka kOshiweda noshowo ndjoka ya za kEembahu yu uka kOshandi noshowo yOshaango yu uka kEpembe,otadhi ka tulwa ongalama.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
