Etuloteya mondjila ya Mungwelume otali ka tsikilwa nalyo, Temba ta ti

I ILONGA yokutula oteya oshitopolwa shimwe shondjila ya Mungwelume, mbyoka pethimbo ndika ya fa ya mwena po manga, otayi ka tsikilwa nayo okuuka pehulilo lyomwedhi nguka.

Shika oshi li ngaakamolwashoka Okampani nenge okoontraka yedhina NRP ndjoka tayi longo iilonga mbika, ngashiingeyi oyi ipyakidhila manga nokuwapalekulula oteya yondjila onene yopokati kOshakati nOkahao. Ndhika odha popiwa kOmukuluntuwiliki gwOpashitopolwa mOshikondo shOondjila moNooli tate Titus Temba, sho a pulwa kOshifo shika kutya omolwashike iilonga yokutula oteya oshitopolwa shimwe shondjila ya Mungwelume ya mwena po.Tate Temba ta ti kutya aakalimo inaya limbililwa nande, Okoontraka oya li ashike ya ka longa po manga iilonga yimwe kOndjila ya Shakati na Kahoa konima sho ya mana okutula evi noku li mbambangela kombanda yondjila ndjoka ya Mungwelume, molwashoka oku na okutegelelwa manga uule wokathimbo evi li ikwate nawa, opo ihe nawa ku tulwe oteya.Temba ta ti okondaraka ndjoka kaya li nee ya hala okukala ya mwena po ya tegelela evi ndyoka li ikwate nawa, oya yi nee yi ka longe ondjila ndjoka yopokati ka Shakati na Kahao.Okondaraka ndjoka yokutunga oyi li lela pokumana ondjila ya Kahao.”Ano tayi mana manga omwedhi nguka inagu sa, nokuza mpoka otayi ya yi tsikile niilonga yayo yokutula oteya ondjila ya Shakati na Mungwelume, okuthika pOshikwiyu mpoka, “tate Temba ta ti ngawo nokwiindila koshigwana shi kale shi idhidhimika ngaa kashona.Ondjila ya Mungwelume, otayi tulwa oteya okuza mOshakati sigo opOshikwiyu, Ookilometa omilongombali nasha lwaampoka.Ashike aakalimo yokoshitopolwa shoka sha Mungwelume otaya indile natango kEpangelo nesimaneko enene li tule ondjila ndjoka ya Mungwelume oteya sigo omOmungwelume nenge ngaa sigo okOmaboolota ga Mungwelume, ano pomandjoinathano/pomayilomumwe gondjila ndjika ya Shakati na Mungwelume naandjoka ya Mafo nOkalongo.Epangelo kuyele olya tile kutya kali na manga oshimaliwa sha gwana, nange opwa monika oshimaliwa otaku ka tsikilwa nokutula ondjila ndjoka oteya okuza pOshikwiyu sigo okOmungwelume nenge kOmaboolota ga Mungwelume hoka.Ndhika odha popiwa kOmukuluntuwiliki gwOpashitopolwa mOshikondo shOondjila moNooli tate Titus Temba, sho a pulwa kOshifo shika kutya omolwashike iilonga yokutula oteya oshitopolwa shimwe shondjila ya Mungwelume ya mwena po.Tate Temba ta ti kutya aakalimo inaya limbililwa nande, Okoontraka oya li ashike ya ka longa po manga iilonga yimwe kOndjila ya Shakati na Kahoa konima sho ya mana okutula evi noku li mbambangela kombanda yondjila ndjoka ya Mungwelume, molwashoka oku na okutegelelwa manga uule wokathimbo evi li ikwate nawa, opo ihe nawa ku tulwe oteya.Temba ta ti okondaraka ndjoka kaya li nee ya hala okukala ya mwena po ya tegelela evi ndyoka li ikwate nawa, oya yi nee yi ka longe ondjila ndjoka yopokati ka Shakati na Kahao.Okondaraka ndjoka yokutunga oyi li lela pokumana ondjila ya Kahao.”Ano tayi mana manga omwedhi nguka inagu sa, nokuza mpoka otayi ya yi tsikile niilonga yayo yokutula oteya ondjila ya Shakati na Mungwelume, okuthika pOshikwiyu mpoka, “tate Temba ta ti ngawo nokwiindila koshigwana shi kale shi idhidhimika ngaa kashona.Ondjila ya Mungwelume, otayi tulwa oteya okuza mOshakati sigo opOshikwiyu, Ookilometa omilongombali nasha lwaampoka.Ashike aakalimo yokoshitopolwa shoka sha Mungwelume otaya indile natango kEpangelo nesimaneko enene li tule ondjila ndjoka ya Mungwelume oteya sigo omOmungwelume nenge ngaa sigo okOmaboolota ga Mungwelume, ano pomandjoinathano/pomayilomumwe gondjila ndjika ya Shakati na Mungwelume naandjoka ya Mafo nOkalongo.Epangelo kuyele olya tile kutya kali na manga oshimaliwa sha gwana, nange opwa monika oshimaliwa otaku ka tsikilwa nokutula ondjila ndjoka oteya okuza pOshikwiyu sigo okOmungwelume nenge kOmaboolota ga Mungwelume hoka.