Ethiopia a gwedhela aakwiita ye mu Somalia

M OGADISHU – Epangelo lya Ethiopia otali gwedhele aakwiita yalyo mu Somalia, ya ka kwathele aakwiita ya Somalia mokukondjitha Oorebele yAaIslama.

Omakuyunguto ngoka ga etwa kOorebele ndhika oga eta aantu omayuvi ya thige po oshilandopangelo sha Somali, Mogadishu. “Iihauto ya lambathana yaakwiita ya Ethiopia oya kala nokupita yu uka moshilongo.Onda yalula iihauto yopaukwiita yi li 300,” omulongi mositola yimwe hoka, Farah Abdikarim, osho a popi ngaaka.Otaku popiwa kutya Ethiopia oku na aakwiita ye li 4 000 lwaampoka pambelewa, ihe aanadiplomaate oya popi kutya oya konda po mpoka.Aakwiita mbaka ohaa yi mu Somalia, okuzilila kiitopolwa yokuuzilo ya Ethiopia, taya ende pu Baidoa – moka omo mu na Oparliamende ya Somalia nosho wo oombelewa oonene dhEpangelo.Oomvugo dhOorebele – ndhoka dha li dha pangele Somali uule woomwedhi hamano momumvo 2006, odhi li koshitopolwa shokomunkulofuta sha Somali.Epangelo lya Ethiopia olya popi kutya otali ka kutha mo aakwiita yalyo mu Somalia, ihe shika otali ke shi ninga ashike ngele aakwiita yEhangano lyUukumwe wAafrika oya mono oonkondo dha gwana okuungaunga nonkalo oyo awike.Nampa-Reuters”Iihauto ya lambathana yaakwiita ya Ethiopia oya kala nokupita yu uka moshilongo.Onda yalula iihauto yopaukwiita yi li 300,” omulongi mositola yimwe hoka, Farah Abdikarim, osho a popi ngaaka.Otaku popiwa kutya Ethiopia oku na aakwiita ye li 4 000 lwaampoka pambelewa, ihe aanadiplomaate oya popi kutya oya konda po mpoka.Aakwiita mbaka ohaa yi mu Somalia, okuzilila kiitopolwa yokuuzilo ya Ethiopia, taya ende pu Baidoa – moka omo mu na Oparliamende ya Somalia nosho wo oombelewa oonene dhEpangelo.Oomvugo dhOorebele – ndhoka dha li dha pangele Somali uule woomwedhi hamano momumvo 2006, odhi li koshitopolwa shokomunkulofuta sha Somali.Epangelo lya Ethiopia olya popi kutya otali ka kutha mo aakwiita yalyo mu Somalia, ihe shika otali ke shi ninga ashike ngele aakwiita yEhangano lyUukumwe wAafrika oya mono oonkondo dha gwana okuungaunga nonkalo oyo awike.Nampa-Reuters