UUMINISTELI wOmidhingoloko nOmatalelopo owa tseyitha ethimbo lyuukongo wiiyamakuti momakutu ga gamenwa (conservancies) nomoofaalama dhiiyamakuti dhopaumwene.
Uukongo wiiyamakuti moofaalama dhiiyamakuti dhopaumwene (dhoka kadhi na uunene kau li pevi lyoohektara eyuvi noshi li meni lyondhalate ihamu piti iiyamakuti), otau tamekele momasiku 1 ga Mei na otau ka hula momasiku 31 ga Auguste 2009.
Uukongo wiiyamakuti moofaalama dhiiyamakuti dhopaumwene, ndhoka dha omalugumbo giiti (moka iinamwenyo hayi vulu okwaya mo nenge okuga nuka – nadho dhika na uunene kau li pevi lyoohektara eyuvi), owa tamekele momasiku 1 gomwedhi nguka na ota u ka hula momasiku 31 July 2009.
Opu na nee engambeko kombinga yomwaalu gwiiyamakuti mbyoka omuntu e na okuyaha mofaalalama momamakuti ga gamenwa.
Ano oto vulu ashike okuyaha iiyamakuti yomwaalu ngoka wa hala.
Ooyene yoofaalama nOokomitiye dhomakuti ga gamenwa oye na nee okukala ye na oopelemeta, ndhoka ye na okufutila opo aakongo ya ye momhala gawo. Opelemeta yimwe oyi na Oondola eyuvi limwe. Iiyamakuti iinene mbyoka yu uthwa okudhipagwa pethimbo lyuukono ndika oyo oholongo, ontsino nompugulu.
Mongundu yiiyamakuti iishoa mbyoka yu uthwa okudhipagwa omwa kwatelwa omenye nompinda. Oopelemeta dhuukongo wiiyamakuti otadhi ka gandjwa ashike kooyene yoofalama nooyene yomakuti ga gamenwa. Ano kapu na omukongo ta ka pewa opelemeta ye mu ukilila.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
