Ethele nayaali ya pewa oonzapo ta shi pitile moprogram ya WAD

IILYO ethele niiyali yetanga lyegameno naagundjuka mboka kaayena iilonga oya pewa oonzapo konima sho ya piti iilongwa mbyoka ya nongekwa kehangano ha li ithanwa Women Action for Development.

Elongo ndika ota li ya longekidha opo ya vule okukala ta ya vulu okumona iilonga, nenge mboka ye li miilonga ya vule oku pewa oombandi oonene miilonga mbyoka ta ya longo ngashingeyi.Ongundu yaalongwa mbaka 102 oya kwatelamo 28 yometanga lyegameno lyomoVenduka, 45 iilyo yetanga lyegameno lyokiitopolwa yilwe yoshilongo, naagundjuka 29 mboka kaayena iilonga yomoKatutura.Aalongwa mbaka oya kutha ombinga momadhewo guunongo ngaaashi okulongitha okompiuta, ewiliko lyiikwambelewa, noshowo okushanga nomashina.Sho a popi pegandjo lyoonzapo Ominista Yegameno omusamane Charles Namoloh okwa ti elongo neputudho olya simana oshoka ota li gandja uungomba noshowo uunongo mboka ta u hwepopeke omukalo nkene etanga lyegameno ta li gwanitha iilonga yalyo esiku kehe.Omuwiliki gwa WAD, Veronika de Klerk okwa gwedha ko ta ti oshi, shiwike kutya aaniilonga mboka ta ya longo iilonga yasimana yopashigwana oya pumbwa uungomba wu li muule opo ya vule okulonga iinakugwanithwa yawo. Oshoka ngele ka ye na uunongo wagwana nena ota ya ka thikameka iilonga yawo. Iilonga uuna ta yi thikama nena nomahupilo goshigwana otaga nayi pikwa.Okwa pandula aagundjuka mboka ya kutha ombinga moprogram ndjika, ta ti yo oya ninga nawa oshoka inaya panda mbyoka yopakathimbo ndele oya tala omalalakano gokokule okuyeleka nuuwanawa womainyanyudho noshowo mboka wonkalamwneyo yuusiku.De Klerk okwa ti aakiintu mboka ya kutha ombinga melongo ndika oya longwa woo nkene ta ya longitha ofemidom onga oshitopolwa shoku ya kwathela ya keelele etaandelo lyoHIV/AIDS.