Eteyo ewanawa pofaalama ya Uvhungu-Vhungu

OFAALAMA yomahini ya Uvhungu-Vhungu muuzilo wa Rundu oya tegelela eteyo ewanawa lyuuwindji wootona 700 dhepungu nuumvo.

Ofaalama ndjika oya kala miikundaneki omathimbo ga yi, aniwa molwa ewiliko lyankundipala noshowo iilongitho yayo yanyayika. Ofaalama ndjika oya ningi oomvula mbali inaa yi longa nando iikunwa yasha yomepya.Omuwiliki gwokulipo, Linus Tashiya okwa lombwele Nampa kutya iilonga yuunamapya pofaalama ndjoka ota yi ende nawa.Okwa ti konyala oohectara 93 dhomoohectara 264 pofaalama ndjoka odha kunwa epungu.Omumvo gwa ziko ofaalama ndjika oya li ya teya iikunwa yopethimbo lyokufu yootona 37, mbika oya li ya thikama miilya yuusila woomboloto.Otwa tegelela tu kale neteyo ewanawa sigo oompaka omvula ndjika, pofaalama ndjika, osho a popi neinekelo.Okwa ti otaya ka kuna oongala dhetango noshowo iilya yomahangu.Iilongitho yokutekela oya mbesitelwa noya tegelelwa yithike pofaalama mpoka omwedhi ta gu ya.Eteyo lyiikunwa pofaalama ndjika ya Uvhungu-Vhungu oha li landithwa kaaningi yuusila moshitopolwa sha Kavango. – Nampa