Etegameno lyaakwiita yoSWATF nale lya dhimi po

AAKWIITA yonale yetanga lyoSWATF ita ya ka futwa sha. Etegameno lyaakwiita mbaka konyala ye li 5 000 olya teka po metitatu konima sho omukwateli komeho gwawo , ngoka eya uvanekele ofuto a kwatwa kopolisi.

Henry January okwa,kwatwa sho a li ta ningi oshigongi kaashi li pampango pontanda yaakwiita popepi na Bloemfontein mo South Africa.Okwa li moshilando shoka konima sho a indile omauyuvi gaakwiita aakulu yoSWATF ye kiilopote kontanda yaakwiita poUpington metitatu.Konyala aakwiita yonale yoSwatf yevule 5 000 oyi ishangitha moVenduka nehangano ha li ithanwa SA Cape Corps Trust. Ehangano ndika ota li wilikwa ku January, ngoka e ya uvanekele oodola dha Namibia omayuvi 490 000.Oya li yena oku kala mUpington metitatu opo aniwa ya mone iimaliwa yawo, nonando oombelewa dhuukalelipo dha South Africa odha tile ka dhi na uuyelele wa sha kombinga yofuto ndjika, naamboka ya futu oodola 182 dheishangitho, shika oye shi ningi ku yo yene.Epangelo lya South Africa olya londodha kutya mboka ta ya ka holola omadhiladhilo pondje yompango ota ya ka kwatwa.January okwa mangelwa pondje ya Bloemfontein konima sho a kuutumba komeho gaapolisi, nokwa lombwele ayehe yongundu ye ya thigepo ehala ndyoka molwaashoka ye ota kwatwa po.’Oshinima na shi hulile mpaka’ osho a ti sho a kuutumba.January okwa li a pula a popye nomugandji malombwelo moshitopolwa shegameno moBloemfontein, Omubrigadier ndjai, Morris Moadira ndele ina pitikwa a popye naye.Moadira okwe ya lombwele ya ye komagumbo molwaashoka ehololo madhiladhilo ndika ka li li pampango.Ongundu ya January oya li ya thikama po miilyo yonale yetanga lya South African Cape Corps, omazimo gawo, naagundjuka ya za muuzilo wa Kaapa mboka ya hala okuninga aakwiita.Moadira okwe ya lombwele tati omukuluntu gwomatanga gaakwiita mo South Africa Godfrey Ngwenya ota ti etulomumwe lyomatanga olya hulu po nale. Naangoka, eya lombwele kutya oshinima shika opo shi li natango okwe ya fundju.January okwa uvanekele iilyo yonale yaSADF na SWATF, Koevoet kutya ota ya ka futwa iimaliwa okuza koshikondo shegameno sha South Africa.Etanga lyegameno lyopashigwana lya South Africa olya londodha aantu mboka kutya lyo ita li ka pitika yo ya ye moontanda dhomatanga.Olya ti, etulomumwe lyaakwiita metanga lyegameno lyopashigwana olya li lya hulu pambelewa momumvo 2001.Omadhina gaamboka ya ningi iilyo metanga ndika oga li ga holoka melandulathano lyiilyo yetanga ndika.Kuyele muSeptemba Neville Waggie okwa shangitha konyala aakwiita aakulu yoSwatf 5 000MoVenduka , omanga yamwe ya shangwa poTsumeb, Omalinda no Rehoboth. Ehangano ndika olya gongele oodola 910 000 meishangitho oku za kaakwiita 5 000.Oomvula ntano dha piti ongundu ya fa ndjika oya tile ota yi vulu oku kwatha aakwiita mbaka yonale ya SWATF ya futwe iimaliwa yawo aniwa ku South Africa.Na mutenya ngu mbaka oye li metegelelo natango.Ehangano ekwawo ha li iyithana lyolyene, South African National Military Veteran Forum nalyo olya futithile aakwiita mbaka oodola 55 ndele sigo onena mbaka oya tegelela iimaliwa mbyoka ya uvanekelwa.Oshikondo shoopenzela sha South Africa mUuministeli Wiimaliwa osha ti omapeko ge na sha naakwiita aakulu yoSWATF oga hanagulilwepo omumvo 2004.