Eso lya Pandeni lya kunka oyendji

O MINISTA yOmapangelo gOpaitopolwa nOmagumbo John Pandeni (57) okwa si moshiponga shohauto pokati ka Kombat na Grootfontein ongula yEtitano, omanga a li mela lyondjila okuya koshitopolwa sha Caprivi nolweendo lwopambelewa.

Omaso giilyo iyali yOparliamende muule womasiku gaali, oga kumitha oshigwana. Oshilyo shoCoD mOparliamende Kala Gertze okwa hulitha ongulohi yEtitatu lya zi ko pegumbo lye mOvenduka sha etwa komukithi gwoAsma.Pahokololo lyOpolisi, omuhingili gwaMinista okwa kanitha okondolola yohauto omanga a li mondalaye.Minista, omuhingili gwe nosho wo omutonateli gwe oya umbwa mo mohauto pethimbo tayi galangata na Minista okwa ka gwila nee mokanala komeya moka omudhimba gwe gwa adhika kOpolisi.Opolisi oya adha wo ohauto ndjoka momeya noku yi kutha mo.Omuhingi pamwe nomutonateli gwa Minista oya ehamekwa noonkondo noya etwa koshipangelo mOvenduka moka ye li taya mono epango.Omudhimba gwa Pandeni ogwa li gwa etwa kOvenduka nondhila gwOpakwiita okuzilila ko Grootfontein nokunambela pOkapale kOondhila ka Eros mOvenduka potundi onti 14h00 mEtitano moka.Ongundu onene yaakwanezimo, ookuume, Oominista dhOkabinete, naanambelewa yalwe oya li ya gongala nokutegelela omudhimba gwa Pandeni pOkapale koondhila ka Eros mpoka gwa heluka mondhila gu li moshiketha sha tulwa epandela lyoshilongo nokusalutwa kEtanga lyopakwiita.Ookuume naakwanezimo oya kambadhala okungungumaneka omusilwakadhi meme Julia Pandeni ngoka a li itaya vulu okutala oshiketha shomuholike gwe pamwe nuunona we uyali.Omupilima Nahas Angula okwa li a etseyitha onkundana yeso lya Minista Pandeni pethimbo lyoshitumbetango mEtitano ndyoka.”Pehala lyOmupresidende Hifikepunye Pohamba ngoka e li metalelopo lye mOnooli, ondu uvite nayi mokutseyitha kutya Minista John Alphons Pandeni okwa hulitha moshiponga shohauto ongula yonena potundi onti 07h30 pokati ka Kombat na Grootfontein,” Omupilima ta popi ngaaka pamushangwa ongula yEtitano.”Oshikumithi kutse atuheni,” Amushanga Omukuluntu mOministeli ya Pandeni, Erastus Negonga ta lombwele ngaaka The Namibian omutenya gwEtitano.”Minista Pandeni okwa li oshiholelwa oshiwanawa ku tse atuhe mboka twa li ta tu longo kohi ye.Okwa kala noku tu tsa omukumo miilonga, otu uvite nayi mokukanitha owino nuunongo we mboka a kala nokulongitha mokuninga oonkundathana naawiliki yopamuthigululwakalo.”Olaata yOmalelo gOpamuthigululwakalo nosho wo iinima yilwe ya pamba omalelo gopamuthigululwakalo, oyi li kohi yuuministeli mbuka.”Onda fa owala nda sa ombinga, Itandi vulu okulonga nawa nena, molwashoka onda li nda ningi naye oonkundathana ohela,” omunambelewa gumwe ngoka e li omupopepi na Minista ta lombwele ngaaka The Namibian.Omupresidende Pohamba okwa li a tumu omukanda gwomahekeleko ku meme Pandeni omutenya gwEtitano.”Otashi kumitha na ka ndali nokuli tandi vulu okushi zimina pethimbo nda kundana eso lyomuholike gwoye nena …Okwa li omudhiginini, omupopili gwombili nogwedhiminathanepo.Okwa li wo gumwe gwomaasimanekwa mboka ya dhana onkandangala mewawa lya homata lyokakulumbwati koSwapo nenge tutye People’s Liberation Army of Namibia (Plan) nosho wo mOpaati yoSwapo.”Pandeni okwa thigi omandhindhiliko omanene moonkalamwenyo dhAanamibia oyendji, omutse gwoshilongo tagu shanga ngaaka.”Okwa popile nokwaana uumbanda omulandu gwepangelo kombinga yefalo lyomayakulo koshigwana nokwa kala nekwatathano ewanawa naawiliki yopamuthigululwakalo.”Omupresidende gwongundu yompilameno pambelewa mu Namibia yedhina Congress of Demicrats (CoD) Ben Ulenga, okwa popi wo a haluthwa keso ndika.”Otwa dhengwa oondhimbo oonene mbali, sho twa kanitha Kala Gertze (gwoCoD), na otwa li nokuli twa ningi omunute gweimweneneno mEtine mOparliamende, ashike natango Oparliamende oya kanitha ishewe oshilyo shilwe,” Ulenga ta lombwele ngaaka The Namibian omutenya gwEtitano lya zi ko.Ulenga na Pandeni ayehe oya li ya tulwa mondholongo ya Robben Island ethimbo ele pethimbo lyekondjelomanguluko.”Otwa li mondholongo moka oomvula odhindji.Eso lye oli li ekanitho enene koSwapo, molwashoka okwa li gumwe gwaanenentu mopaati ndjoka,” Ulenga ta popi.Okwa tegelelewa Minista Pandeni a ka ningilwe efumviko lyopapangelo ndyoka tali ka tetekelwa koshituthihupulutho shoka kwa tegelelwa shi ka ningwe lwopehulilo lyoshiwike shika.Oshilyo shoCoD mOparliamende Kala Gertze okwa hulitha ongulohi yEtitatu lya zi ko pegumbo lye mOvenduka sha etwa komukithi gwoAsma.Pahokololo lyOpolisi, omuhingili gwaMinista okwa kanitha okondolola yohauto omanga a li mondalaye. Minista, omuhingili gwe nosho wo omutonateli gwe oya umbwa mo mohauto pethimbo tayi galangata na Minista okwa ka gwila nee mokanala komeya moka omudhimba gwe gwa adhika kOpolisi.Opolisi oya adha wo ohauto ndjoka momeya noku yi kutha mo.Omuhingi pamwe nomutonateli gwa Minista oya ehamekwa noonkondo noya etwa koshipangelo mOvenduka moka ye li taya mono epango.Omudhimba gwa Pandeni ogwa li gwa etwa kOvenduka nondhila gwOpakwiita okuzilila ko Grootfontein nokunambela pOkapale kOondhila ka Eros mOvenduka potundi onti 14h00 mEtitano moka.Ongundu onene yaakwanezimo, ookuume, Oominista dhOkabinete, naanambelewa yalwe oya li ya gongala nokutegelela omudhimba gwa Pandeni pOkapale koondhila ka Eros mpoka gwa heluka mondhila gu li moshiketha sha tulwa epandela lyoshilongo nokusalutwa kEtanga lyopakwiita. Ookuume naakwanezimo oya kambadhala okungungumaneka omusilwakadhi meme Julia Pandeni ngoka a li itaya vulu okutala oshiketha shomuholike gwe pamwe nuunona we uyali.Omupilima Nahas Angula okwa li a etseyitha onkundana yeso lya Minista Pandeni pethimbo lyoshitumbetango mEtitano ndyoka.”Pehala lyOmupresidende Hifikepunye Pohamba ngoka e li metalelopo lye mOnooli, ondu uvite nayi mokutseyitha kutya Minista John Alphons Pandeni okwa hulitha moshiponga shohauto ongula yonena potundi onti 07h30 pokati ka Kombat na Grootfontein,” Omupilima ta popi ngaaka pamushangwa ongula yEtitano.”Oshikumithi kutse atuheni,” Amushanga Omukuluntu mOministeli ya Pandeni, Erastus Negonga ta lombwele ngaaka The Namibian omutenya gwEtitano.”Minista Pandeni okwa li oshiholelwa oshiwanawa ku tse atuhe mboka twa li ta tu longo kohi ye.Okwa kala noku tu tsa omukumo miilonga, otu uvite nayi mokukanitha owino nuunongo we mboka a kala nokulongitha mokuninga oonkundathana naawiliki yopamuthigululwakalo.”Olaata yOmalelo gOpamuthigululwakalo nosho wo iinima yilwe ya pamba omalelo gopamuthigululwakalo, oyi li kohi yuuministeli mbuka. “Onda fa owala nda sa ombinga, Itandi vulu okulonga nawa nena, molwashoka onda li nda ningi naye oonkundathana ohela,” omunambelewa gumwe ngoka e li omupopepi na Minista ta lombwele ngaaka The Namibian. Omupresidende Pohamba okwa li a tumu omukanda gwomahekeleko ku meme Pandeni omutenya gwEtitano.”Otashi kumitha na ka ndali nokuli tandi vulu okushi zimina pethimbo nda kundana eso lyomuholike gwoye nena …Okwa li omudhiginini, omupopili gwombili nogwedhiminathanepo.Okwa li wo gumwe gwomaasimanekwa mboka ya dhana onkandangala mewawa lya homata lyokakulumbwati koSwapo nenge tutye People’s Liberation Army of Namibia (Plan) nosho wo mOpaati yoSwapo.”Pandeni okwa thigi omandhindhiliko omanene moonkalamwenyo dhAanamibia oyendji, omutse gwoshilongo tagu shanga ngaaka.”Okwa popile nokwaana uumbanda omulandu gwepangelo kombinga yefalo lyomayakulo koshigwana nokwa kala nekwatathano ewanawa naawiliki yopamuthigululwakalo.”Omupresidende gwongundu yompilameno pambelewa mu Namibia yedhina Congress of Demicrats (CoD) Ben Ulenga, okwa popi wo a haluthwa keso ndika.”Otwa dhengwa oondhimbo oonene mbali, sho twa kanitha Kala Gertze (gwoCoD), na otwa li nokuli twa ningi omunute gweimweneneno mEtine mOparliamende, ashike natango Oparliamende oya kanitha ishewe oshilyo shilwe,” Ulenga ta lombwele ngaaka The Namibian omutenya gwEtitano lya zi ko.Ulenga na Pandeni ayehe oya li ya tulwa mondholongo ya Robben Island ethimbo ele pethimbo lyekondjelomanguluko.”Otwa li mondholongo moka oomvula odhindji.Eso lye oli li ekanitho enene koSwapo, molwashoka okwa li gumwe gwaanenentu mopaati ndjoka,” Ulenga ta popi. Okwa tegelelewa Minista Pandeni a ka ningilwe efumviko lyopapangelo ndyoka tali ka tetekelwa koshituthihupulutho shoka kwa tegelelwa shi ka ningwe lwopehulilo lyoshiwike shika.